♥ 囍 ♥ 場地 ♥ 彩福國宴 / 欣宴

依一篇幅係冇相的. 因為依幾個場地真係睇到我好激氣 !!!
話說第一個去睇既係國宴. 要用電梯的. 一出電梯既門口位非常窄.
完全想像唔到賓客走時會點.. 酒樓打算要賓客佢地行後樓梯 ??
如果唔係點會咁設計呢 ?
一入到去仲要冇人serve !
不過平心而論. 依個場地算係正正方方無乜柱.
而且又有天橋可以滿足部分新人中意行catwalk 的出場方式.
場地面積合理. 如果唔係擺太多圍應該幾好的

之後好啦, 同男朋友去左睇欣宴. 一入去已經有人serve .但問左我地三次貴姓都可以唔記得.
咁有個女部長帶我地用扶手電梯上去. 中途冇介紹. 仲同我地行到好開. 上到去仲要唔見左.
扶手電梯有兩條. 都係好暗好黑. 一d 都唔覺得係婚宴場地.
最後上到去. 又有人問我地貴姓. 仲要講完又係叫錯. 我地都懶得糾正...
之後有個男部長招呼我地. 佢態度都係不知所謂. 沿途都係好hea 咁介紹.
講返場地. 兩個場地都係樓底高. 但係面積細. 對於圍數唔多的新人係幾適合.
不過如果有賓客要打麻雀. 就要佢地入去行後樓梯上去 (樓梯口在廚房門口..... )
到賓客走時. 係可以用返兩條扶手電梯. 或者用電梯都可以. 不過因為兩個廳好近.
所以如果同一日有兩對新人擺酒. 應該會迫爆二樓.....

P.S. 酒樓位置唔係面向大馬路. 係條巷入面的.依一樣又要扣分