其實由我同男朋友結婚開始. 我地雙方的父母都無乜俾好多意見.
就算係都係好好咁同我地傾.
例如我媽咪要求擺酒當日要係假期. 鮑魚要係一隻隻上.
男朋友媽咪都只係擔心當晚流程安排.
而雙方父親更加係無乜意見. 但係男朋友父親都有為左我地個婚禮打俾朋友去疏通少少關係.
所以我同男朋友真係好幸福啦. 因為上網睇見好多人都會俾自己父母同埋老爺奶奶/ 外父外母激死.
而且我地又唔駛擇日. 唔駛帶佢地試菜. 唔駛同佢地去落訂傾菜單.
乜都係我地自己搞掂傾掂. 變相好多野都唔需要有分歧.
就算去到將來我地既屋企. 我媽咪同未來奶奶都冇要求我地要住近任何一邊.
不過未來奶奶都好心水清. 知道我始終會痴住媽咪多D.
只係要求男朋友唔好住太遠就好了..
而我同男朋友都有共識. 唔好住近哂其中一個媽咪. 因為點樣另一個都會呷醋.
所以我地揀左中間點. 睇樓都係睇中間位. 不過依家樓價太貴啦. 所以我地都停左睇樓.
希望遲D 樓價可以回落下再入市啦.
你好幸福呢
回覆刪除四大長老都唔干預~
可以籌備一個自己鍾意既婚禮~~
至於住呢, 因為我同男朋友都係住同區,
所以係同區買樓就okay~
[MissO回覆10/03/2012 17:43:45]咪係~~ 如果仲要做埋家務..... 真係頭都大
返工都無咁辛苦!
[版主回覆10/03/2012 16:48:21]唔駛自己煮好好多. 唔駛頭痕買送. 返到去仲要煮. 仲要洗
搞搞下都成 9 點. 好似 ot 咁.
[MissO回覆10/03/2012 16:33:50]哈哈~ 因為我地由中學已經係埋一齊~ 所以住得好近!
我都打算成日返去食飯, 慳返d錢之餘又可以唔駛自己煮~~ yeah^^
[版主回覆09/30/2012 15:27:27]你地住同居咁好既. 如果買返同居樓又可以近哂兩邊屋企.
比著我一定成日上去食飯. 唔駛自己煮咁辛苦 ~hahah