由於同男朋友放假時間唔一樣. 我放WEEKEND. 佢放WEEKDAY.
變相好少有機會真係可以兩個一齊去睇場.
所以尋晚兩個人終於認真咁坐低去諗諗我地個場地要咩要求.
1. 交通方便.
尖沙咀同紅磡就最好. 因為我女家親戚大多係地鐵沿線. 男家親戚大多係火車沿線.
由於兩家人都唔係住香港島. 所以過海既一律都唔會.
又由於我個人喜好. 所以油尖旺都唔會諗了.
2. 唔想在地庫及避免爭電梯情況出現
如果有電梯唔希望有多人爭lift 的情況.
The One 好多場就係有依個缺點. 我唔想一散席全世界塞在電梯口
所以依方面.煌府的紅磡分店就做到
3. 開揚.
柱位相信好難避免. 但唔好太多. 而且我同男朋友都唔想四面都係牆.
感覺好似困獸鬥 [ 樓底高除外 ] . 所以最好係可以有落地窗. 依方面煌府的紅磡分店. 同埋皇上皇的北京道一號都做到.
P.S. 其實THEONE 好多場都得. 但係有爭電梯用的情況
4. 酒樓
酒店的裝潢係比較好. 食物就會比酒樓遜色.
但依家其實好多酒樓的裝潢都做得好好了. 太多婚宴專門店.
變相對酒店需求更加少. 再加上男朋友屋企人比較緊張酒席的食物質素
所以大多都唔會揀酒店了
其實我好想好想在一個場地有樓梯. 可能因為細個睇得卡通片多所以有依個情意結.
所以我當初心水係九龍灣國際展貿的煌府. 唔止有樓梯仲有空中花園可以註冊.
但地點實在太遠. 而且考慮到唔想老人家咁成日行上行落. 所以都係放棄左我最理想的場地.
而且我發覺我依幾個要求. 原來都幾難達到.
所以可以去睇場既地點真係少之又少....
2012年8月28日 星期二
♥ 囍 ♥ 場地要求 ♥
訂閱：
張貼留言 (Atom)
紅磡海逸酒店(唔記得個名係咪咁,總之係紅磡火車站隔離間酒店啦~)入面有間酒樓聽聞d野幾好食架喎! 佢仲有條長長樓梯添! 你上網睇下~~~
回覆刪除[版主回覆08/30/2012 10:04:31]係呀. 其實我媽媽都好d. 佢預好左女家有幾多人.我又可以幫手計下.
但係男家.我費時又追男朋友父母人數啦.
佢地又多朋友想請. 但又覺得兩年後依家預唔到.
所以預大d 可能真係穩陣d .
[薯妹回覆08/30/2012 09:45:14]22-25..咁你要預個場地可以擺30圍先得喇!
因為通常搞搞下又會話阿邊個親朋戚友唔請唔得,預大D穩陣呀!
[版主回覆08/29/2012 14:43:34]佢條柱好粗壯呀. 所以真係成圍遮哂.
個阿姐話個圍就叫佢睇電視..但問題唔知放邊兩圍人去最後 .
好似放逐佢地咁
幾多圍...講起頭痛. 幾位老人家可能見我地未有咁快擺.
就成日拖拖拖. 但我地暫定應該22-25 圍到. 希望到時唔好有咩大變動啦
[薯妹回覆08/29/2012 14:21:55]一遮就遮哂???咁騎呢既???
咁你擺幾多圍呀?
[版主回覆08/29/2012 11:15:33]我諗我知邊間. 我去過睇喇.
佢場地幾好. 但係有一樣野好怪. 佢如果多25 圍...咁24同25 圍就會特別去後面個廳. 俾大大條柱遮住.好誇張咁. 因為一遮就遮哂成圍 12 個人視線 >_<
北京道一號真係唔錯~又唔貴又有VIEW~
回覆刪除至於煌府紅磡就聽過服務同食都MAMA~你真係要好好考慮呢~
[版主回覆08/30/2012 14:45:07]係呀. 特別係因為我家姐都在依度擺
所以又好有親切感咁~haha