我book 左 1:30 . 點人知我一試就試到 5:30 .
男朋友都忍唔住問 : 究竟你試左咁多年婚紗有咩分別
唉. d 男人就係咁. 件件佢都話幾好唔錯. 完全俾唔到意見我.
好彩我今次帶埋我家姐同埋伴娘去幫下眼.
如果唔係一間鋪幾百件晚裝婚紗真係會試到頭都痛.
經過今次fitting. 我都有少少心得既. 希望幫到d 未fitting 既B2B 啦.
1. 資料搜集. 一定要在網上睇下間店的衫先 見到鐘意就要用手機影低.
去到當日試衫可以即刻俾佢地搵衫俾你試. 唔駛坐在店慢慢揀衫
2, 最好自備 Girdle 啦. 始終衛生d. 反正大日子當日同埋Pre-Wedding 都會用到.
而且著返自己著開的. 試衫會舒服少少.
3. 未去之前. 心入面要諗定迎賓,敬酒,送客要咩顏色. 要咩款式.
例如迎賓通常都係誇張少少都可以. 送客通常都係可以A-line.
如果去到先慢慢揀. 一定會好辛苦. 所以我今次去之前就揀好哂我要的係咩色.
所以去到唔駛煩. 專攻三隻色就可以
4. 帶朋友家人去要好識揀人. 最好就揀d 品味同自己差唔多的.
同埋真係要好朋友. 會講出真說話既.
如果帶去既都只係話 [ 幾好丫 ] [ OK 啦] 咁即係冇意思啦.
係完全幫唔到自己去決定架
5. 要揀岩Sales. 我就第一次去揀晚裝店時. 我會時先去試探佢地Sales 的態度.
真係岩傾先會搵佢開單. 之後就一直都係搵佢去跟進.
我就好好彩有咁做. 所以避過左依間晚裝店唔禮貌的Sales
6. 唔好怕唔好意思. 真係唔中意既見到就ban 唔好再試上身慢慢睇.
咁樣只會試極都唔完. 同埋條腰會好痛.<我今日就係咁>
好啦. 之後幾篇都係試衫篇將會私有化.
有興趣的B2B 請先ADD 我啦.
我嗰時第一次試衫反而咩款都試, 魚尾, ALINE, LOW CUT, 泡泡款, 公主款, 乜都試, 試完後知道自己carry唔到邊類衫, 唔鐘意邊類衫, 之後就完全唔洗睇嗰類.. 跟住就到顏色, 我又冇話限死敬酒一定要紅色咁, 只係試下原來自己carry唔到粉色系既跟住就完全唔睇.. 如此類推... 到最後岩feel先試上身...
回覆刪除因為有人教我話咩款都要試.. 有時你睇覺得唔OK著出黎又可能係第二件事...
[版主回覆08/27/2013 16:52:30]如果唔知自己襯咩款試多D 都好呀.
但我依D 太好肉地一定唔會A-LINE.
所以一早就揀定哂咩款岩我了.
試衫搵左2個女仔一齊陪我, 大家七咀八舌一齊俾意見好爽 XDDDDD
回覆刪除請問可以add我嗎?
[Dolly回覆08/28/2013 14:55:43]壞左好耐, 都唔知幾時先fix.....
[版主回覆08/28/2013 12:10:50]我都想ADD. 但YAHOO 應該有問題. 話格式無效呀,