真係好無奈. 好失望加好傷心.
一直以泥我都好擔心證婚的問題.
因為雖然好中意九龍塘玻璃教堂. 但一直都覺得佢偏貴..
同埋一直都好擔心佢地的態度問題.
一次又一次咁去實地睇. 都冇辨法說服自己即落訂...
終於在早兩個月. 同男朋友傾左好耐.
男朋友叫我中意就去啦. 得半個鐘...佢地當日態度差既有個譜.
所以在岩岩 3月15號就同朋友仔去婚展落訂.
希望快快趣落埋訂就可以了埋件心事.
但結果當日我去到. 招呼我的係一個女仔.
我 : 唔該. 我想問依一日的日子. 仲有咩時間可以擇做證婚呀?
女: 我睇左. 兩點零鐘可以啦.
我: 兩點零鐘即係點. 即係兩點定係兩點半個場呀?
女: 應該兩點半呀.仲有你個日係特別日子. 要加收 $1000
我: 下 ?? 唔係wor. 我之前去你地教堂睇場時. 我問得好清楚你地話依一日唔駛收架.
女: 唔知wor...應該要架!
之後我見到平時Serve 開我的男仔.
我: 你問下個邊個的男人丫. 佢之前答我唔駛架.
結果個男人一知道我望到佢. 就行左去展板後面避我
女: 我問完啦...經理話要加收架...
我: 我之前去實地兩次問都唔駛. 依家要加收係岩岩轉價錢. 定係你地之前一直都答錯我??
女: 應該誤會掛....
我: 你地有冇小冊子. 宣傳單張可以俾我睇到. 你地一直都有依個收費?
女: 冇架. 我地d 小冊子未送到會場呀.
之後我冇再出聲. 因為我真係好無奈.
我問自己. 如果我真係要發癲同佢地嘈. 假設到頭來佢地又真係肯free 返我個一千蚊.
我又係咪真係會放心去book 佢地呢?
結果我諗左好耐. 我發覺依間野我已經再冇信心去幫襯.
就算我幾中意個教堂都好. 我都接受唔到佢地一次又一次的垃圾服務
我都係接受唔到用六千五去買佢地半個鐘.
所以我最後都係走左.
之後一直在場地行行行..結果俾我見到有另一個場地都係玻璃的建築物.
仲要有戶外室內揀. 而且仲在地鐵站隔離咋.
雖然價錢都唔平. 但只要有其他選擇. 我個心都安定好多.
希望之後個月得閒去睇場..可以快手d 搞掂埋依個項目啦.
2013年3月24日 星期日
♥ 囍 ♥ 證婚 ♥ 崩潰 !!!!!!
訂閱:
張貼留言 (Atom)
$6500 半個鐘咁貴? 唔真係唔抵呀~
回覆刪除希望你快d搵到啱心水的證婚場啦
[版主回覆03/26/2013 10:42:33]好唔抵呀.
依家唯有再搵啦. 希望搵到岩心水的場地
$6500 半個鐘真係唔抵喎! 有點貴!
回覆刪除[版主回覆03/27/2013 10:27:16]係呀. 太貴了.
咁貴既!我去左中港城個間,不過得返點半有期,我都照book jor,雖然無咁靚不過就平d
回覆刪除[版主回覆03/27/2013 10:27:32]中港城個間我未去過呀.
我搵日都去睇下先.
希望你快d搵到心水地方。
回覆刪除我一開始都有諗過,但太貴,加上律師是自己人,更加唔想晒呢d錢。
[版主回覆03/28/2013 09:05:18]係呀. 太貴了.
如果我律師係自己人. 我諗我都會好似你咁. 唔哂呢D 錢~HAHA
你之後睇個間係唔係MY GARDEN? 我都有去睇過場~
回覆刪除[版主回覆04/02/2013 09:11:31]係呀. 我下星期都會去睇場呢.
仲有時間可以慢慢揾,唔好太擔心!加油呀!!
回覆刪除[版主回覆04/02/2013 09:11:45]希望快D 搵到啦.
我上網聽人講玻璃教堂影相好易陰陽面果D, 好難影得好睇架! 可能你book唔到佢係好事黎呢! 唔洗太勞氣! =)
回覆刪除MY GARDEN我日日放工都經過, 望入去都唔錯~! 但你要留意自己證婚個日子同時間係咪閒日下午, 因為果頭好多名牌幼稚園, 佢地返放學時間係會超多校巴同私家車, 都會塞車架!! 同埋D小朋友經過外面唔知會唔會嘈到入面啦~ 記得留意下呀! =) good luck~!
[版主回覆04/02/2013 09:12:17]我都有諗依個問題呀. 不過好彩我結婚果日係假期
所以應該都好靜.
THANK YOU ^_^
唔駛太擔心既~~~
回覆刪除有時間~~~~^^
[版主回覆04/09/2013 10:21:31]早兩日再睇其他場地了.放心好多啦. haha
仲有時間,慢慢搵.
回覆刪除我之前都有諗過呢度,但D人太差服務,無謂係開心日子攪到受氣呀.
[版主回覆04/09/2013 10:22:40]係呀. 真係太差服務了.
完全放心唔到交俾佢地.
仲有時間, 慢慢再搵到啱心水又放心既場地. 唔洗咁擔心.
回覆刪除[版主回覆04/09/2013 10:21:52]早兩日再睇其他場地了.放心好多啦. haha
甘重要時刻, 唔好俾佢地影响!
回覆刪除而且你還有時間搵, 實搵到另一個你合心水!
[版主回覆04/15/2013 17:01:40]YES. 我都係咁諗.
依家心情好返好多啦. 放棄哂佢~hahah
咁你而家揀左邊間呀?
回覆刪除[版主回覆04/19/2013 09:33:54]我仲未揀定呀. 搞搞下無乜心機已經唔想煩.hahah.