第一篇blog

今日係第一次用依度啦.
真係完成唔熟習. 我依個電腦白痴又要重頭適應下啦.
大家如果係以前的blog 友仔. 記住add 返我呀

Charming Image - 1st Fitting

我揀Charming Image 好大的原因都係因為佢地特別多綠色的晚裝,
因為我大日子個日一定要有一件係Tinkerbell 的仙子綠.
所以我基本上今日去到..差唔多試哂綠色的晚裝. 超累呀.

P.S. 我依D 相都冇望鏡頭. 因為其實我好怕影相. haha

1. 依件其實ok 架. 但佢隻色偏深所以冇揀到.

2. 依件以前好中意. 但今次著左上身又覺得個胸位怪怪咁. 而且個款都比較舊喇.

3. 依件其實好靚. 但我唔記得點解最後冇揀到佢.. 好似係因為隻色唔太似我想要的綠.

4. 依套係靚. 但唔襯我. 因為太似孔雀. haha

5. 依套下擺好靚. 但上身我覺得有少少老土.

6. 依套又係好靚. 佢係入選後備之一.

7. 依套如果唔係上身太清. 我應該都會揀佢. 不過佢個缺點係太重啦. 好似有3-5 磅咁. 當日著咁耐一定好累.

8.依套都係入選之一. 不過我覺得佢下身有d 怪怪地. 好似地毯咁.


9. 依套就太普通啦. 我上淘寶都見過


10. 最後最後依套.就係我揀既一套啦.
雖然真係好清. 佢地都話咁清好少有人放迎賓 不過我對佢真係一見鐘情. 但返到屋企又1516.
好似真係怕太清. 影相會唔靚咁.
大家覺得咁多套邊套最好呀.

 

Charming Image - 1st Fitting

之後就係粉紅色啦.
但其實去到依度都揀到好累. 唔係好有心機揀.
所以我覺得去到下年分分鐘我會轉款.

1. 依件其實幾好. 但心口個閃閃扣針好怪.搞到成個上身都好閃咁.

2.依件其實我唔想試. 因為係絨面. 再加上一路試一路好多毛毛久出泥.
搞到我鼻敏感超辛苦.

3. 依件其實係後備之一. 因為佢實物其實粉紅好多架.

4. 依件其實效果幾好. 但係只限影相.
實物太過螢光粉紅. 我膚色唔白所以唔太襯.


5. 依件男朋友好中意. 但其實我覺得件衫太舊. 應該都好受歡迎 !

6. 依件就係最後揀中的. 因為中意佢好多層次.
我會用泥敬酒. 應該都好襯戴金器

Charming Image - 1st Fitting

到左紫色啦. 依件我會用泥送客.
所以都可以用下深色少少.
但其實試左幾件都覺得好靚. 揀唔落手.

1. 依件好靚.仲有個大拖尾.
但唔想三件都係紗所以先放棄左.


2.依件同我揀的綠色太似了. 所以最後都冇揀.

3.依件係我揀中的綠色的紫色版.. 但佢個胸位實在太似兩個椰殼.
所以最後都冇揀到 

5. 依件同第一件係同款但淺色.
但家姐話唔好粉綠.粉紅.粉紫咁.
所以都係放棄左..轉玫深色

5. 依件就係最後揀架喇. 不過佢依張相用個拱圈係細的. 當日應該會用返中圈.
咁睇落會冇咁直身靚D. 而且依件有D 緞料. 睇落唔會三件都係紗.

Charming Image - 1st Fitting

終於的起心肝去第一次試身啦..
我book 左 1:30 . 點人知我一試就試到 5:30 .
男朋友都忍唔住問 : 究竟你試左咁多年婚紗有咩分別
唉. d 男人就係咁. 件件佢都話幾好唔錯. 完全俾唔到意見我.
好彩我今次帶埋我家姐同埋伴娘去幫下眼.
如果唔係一間鋪幾百件晚裝婚紗真係會試到頭都痛.
經過今次fitting. 我都有少少心得既. 希望幫到d 未fitting 既B2B 啦.

1. 資料搜集. 一定要在網上睇下間店的衫先 見到鐘意就要用手機影低.
去到當日試衫可以即刻俾佢地搵衫俾你試. 唔駛坐在店慢慢揀衫

2, 最好自備 Girdle 啦. 始終衛生d. 反正大日子當日同埋Pre-Wedding 都會用到.
而且著返自己著開的. 試衫會舒服少少.

3. 未去之前. 心入面要諗定迎賓,敬酒,送客要咩顏色. 要咩款式.
例如迎賓通常都係誇張少少都可以. 送客通常都係可以A-line.
如果去到先慢慢揀. 一定會好辛苦. 所以我今次去之前就揀好哂我要的係咩色.
所以去到唔駛煩. 專攻三隻色就可以

4. 帶朋友家人去要好識揀人. 最好就揀d 品味同自己差唔多的.
同埋真係要好朋友. 會講出真說話既.
如果帶去既都只係話 [ 幾好丫 ] [ OK 啦] 咁即係冇意思啦.
係完全幫唔到自己去決定架

5. 要揀岩Sales. 我就第一次去揀晚裝店時. 我會時先去試探佢地Sales 的態度.
真係岩傾先會搵佢開單. 之後就一直都係搵佢去跟進.
我就好好彩有咁做. 所以避過左依間晚裝店唔禮貌的Sales

6. 唔好怕唔好意思. 真係唔中意既見到就ban 唔好再試上身慢慢睇.

咁樣只會試極都唔完. 同埋條腰會好痛.<我今日就係咁>

好啦. 之後幾篇都係試衫篇將會私有化.
有興趣的B2B 請先ADD 我啦.

♥ 囍 ♥ 證婚 ♥ 睇場記 2

最近都冇打blog. 因為轉左工作之後真係好忙好忙呀.
所以結婚野都停哂手. 係最近依個星期先開始再開始返.
希望個blog 都可以定期更新返啦. 唔想個blog 打打下又放棄左.
而且我都有keep 住睇大家的更新架.

最近因為要煩證婚場地. 所以又去睇場啦
今次依個場地在尖沙咀中港城的世紀見證.
依個場地我之前在朋友婚禮都去過. 當時評價真係幾好
所以知道佢地裝潢之後就book左時間去睇.
點知... 都係有圖有真相.

hahha. 我睇完得一個感覺
就係真係好似殯儀館.
無論前前後後都好似.
特別係中間的一幅畫~hahah
所以依個場唔駛諗啦. 真係一入去就放棄了.

適應新生活中

依個月真係好大變化呀.
因為已經開始返緊新工了.
新工作唔同以前. 以前真係 9 個鐘都坐係度上網淘寶整結婚野.
依家就要真係做野啦..日日冇停手.
仲要朝朝早迫地鐵. 不過新工作忙的時間我諗唔太長.
希望可以重投DIY懷抱啦.
雖然我暫時真係唔知仲可以做D 乜野住.
最重要的減肥都未開始
但下個月就要第一次FITTING啦, 真係要俾心機先得

雖然依排好忙. 但我都叫著手搞姊妹裙的野啦.
因為其中一個姊妹今年9月就出發去WORKING HOLIDAY 啦,
所以我要開始訂做裙款先, 間鋪頭仲可以包改包到去婚期前.
最好彩係同BLOG 友仲可以夾到單. 應該可以 $320長裙訂做包披肩.
雖然比淘寶貴. 但淘寶真係太難搵到隻我心水的綠色啦.
所以把心一橫都係出去俾人整算.

忙忙忙忙忙

最近真係好忙呀...好似日日都好多野咁
兄弟人數可能有變. 所以姐妹團又要改動
之後結婚DIY 既野又開始要諗有咩開始搞..
日日都淘寶去搵唔同既I野 .姊妹裙又未CONFIRM.
又要搞大陸的PRE-WEDDING. 又要搞澳門個輯.
之後最重要就係. 我.辭.左.職.啦.
由我畢業開始. 我就在依間公司做.
一做就做左五年. 老闆同同事都對我真係好好...
可能成間公司都係男人. 所以佢地真係當我係囡囡咁看待
知道我要走都叫我小心出面社會呀.
又叫我得閒就返去舊公司.
老闆就更加唔話得....無論我同邊個講.
每一個人都羨慕我有個咁為得人既老闆.
從來唔鬧人..唔發脾氣. 同員工好似家人咁.
好耐之前知道我身體有事. 仲幫我掛號睇醫生. 幫我俾埋醫藥費去睇.
如果公司冇野做又會叫我早D 走..去下街.
咁多年請病假又好. 事假都好. 佢都唔會過問我一句.
所以咁多年我真係俾佢寵壞哂啦...
唔襯後生走. 我真係怕自己愈做唔捨得.
尋日係LAST DAY.臨走個一下真係好想喊.
但死忍爛忍先冇喊到出泥.
記得我同佢講辭職時. 佢仲同我講.
叫我出去闖下見識下. 真係做得唔開心.
公司都會歡迎我返去. 聽完個一下真係好感動
雖然我知道我真係再返舊公司的機會唔大.
但我都會永遠記得我有個咁好的老闆架.
新工雖然未搵到咁心水. 但就當放自己一個長假期啦.

P.S. 6月7-9 日. 在會展會有婚展呀.
我有幾張免費飛多左出泥 [ 一張可以俾兩個人入場 ]
如果大家有興趣既就留言啦. 
( BLOG 友優先 )

♥ 囍 ♥ D.I.Y. ♥ 襟花手花 ♥

終於搞掂哂啦. 為左整依個襟花手花真係做左好多好多資料搜集.
由揀主花到配花..之後再要慢慢去揀絲帶都用左兩個幾月.
仲去左好多次深水步睇材料. ( 雖然最後我都冇幫襯. 去左偉大的淘寶. hahahahha )
之後到齊哂材料, 先發覺冇哂熱溶膠.. 同埋我連最重要的 T 字扣都唔記得買..
終於拖到依兩日終於齊哂材料開工了 !

開工啦. 現場好亂. 成個地下都俾我同家姐佔哂.

下面有三款.
左上的四大長老.
右上的家姐.姐夫.
下面的係兄弟
三款我都有加閃石. 雖然影相唔係好睇得出.
不過實物好彩都幾明顯咋



手花都搞掂了.之前一路都諗下用珍珠鏈.
但我又怕d 鏈會斷wor. 而且最重要係.... 我發覺屋企係冇彈性魚絲的.
為左唔想再拖就用絲帶啦. 之後整整下加多幾個絲帶圈..又好似真係幾襯d 兄弟團wor..
我仲有在 d 花上面加左d 珍珠同閃石. 睇落冇咁單調 !



終於整完. 可以大合照啦. 好感動呀
依度暫時係我最喜歡的DIY作品.
最開心係. 我計哂所有所有成本.
平均每一個都係 $14 . 出面整一定整唔到呀.
又慳到一筆可以用在其他野上面了