早幾日同男朋友去完又一城睇戲. 難得去開就去埋玻璃教堂啦.
由又一城出發坐的士去 $30 有找. 去到咁岩有對新人岩岩行完禮. 所以企在對面馬路等.
等左陣入去就有個男人帶我地周圍帶去. 入到去真係好靚呀.
雖然真係細左 d. 一張長座位最多坐 3 人 [ 有小朋友 / 好瘦的女仔 ] 應該可以坐到 4 個既.
全場有 12 張. 即係都係 36 人左右.
場內有冷氣. 亦有少少裝飾的.
講到價錢就 $5000 / 30 mins. 如果前後冇人就可以在教堂前影下相.
如果有人就要趕走啦. 不過因為我個日係假期. 而且我打算預約 2:30 / 3:00
都係d 比較多人爭的時間. 所以要再諗諗依到點搞先.
因為佢場地唔大. 如果同一時間有兩對新人+親戚真係會迫爆玻璃
至於一直都好擔心的態度問題......玻璃教堂都冇令我失望. 態度都唔算太好. hahahahaha
而且又話我的日子係特別日子要收費..想我即時落訂.
但我其實查清楚左. 我結婚當日並唔係特別日子.
唔知係個男人想氹我快d 落訂. 定係佢真係唔熟日子了.
去完玻璃教堂. 又係坐的士去左拉斐特.
明顯拉斐特地點真係好方便. 在油麻地地鐵一出就係.好近消防局同廣華醫院.
一入到大門都幾好的. 可以用電梯 / 樓梯. 唔會唔方便長輩.
再入到去大堂都好大. 有獨立新娘房.
睇左兩個場. 我同男朋友都中意紫天使多. 但人數都係40 人左右啦.
價錢就同玻璃教堂差唔多.
不過 Sales 一直態度都唔太好. 而且唔太專業
我 : 如果當日泊車可以點呀?
佢 : 旅遊巴你可以轉個彎. 可以泊一陣的. 花車如果冇司機. 就要叫兄弟泊去家樂商場.
其實依度佢真係唔多專業. 如果我叫個兄弟泊到咁遠. 佢又點趕到睇我註冊呢?
同樣地兄弟都要早走去渣車接我. 即係成個程序個兄弟都會睇唔到...
仲要其實個度去家樂係好唔方便的...
雖然我未決定好當日係由邊個渣車. 定係請司機.
不過佢咁講真係令我好驚.
本身油麻地已經多人. 佢仲要冇一個停車場.
所以又係要諗諗啦.
我都諗緊去唔去呢d地方行禮好..不過又會多左樣野要搞T^T
回覆刪除[版主回覆10/23/2012 08:34:35]我都有諗過去酒樓。但怕好嘈。
而且請個律師都要幾千蚊。
所以加多少少去依度影下相都好
我都未諗好去邊註冊~~
回覆刪除[版主回覆10/23/2012 09:42:44]你本身有無咩心水呀？
$5000 / 30 mins都幾貴喎！30 mins會唔會好趕？！
回覆刪除[版主回覆10/25/2012 11:42:21]所以我都好驚..因為我想2:30 or 3: 00.
依d 時間前後應該都會有人.
在酒樓證婚我又唔想. 唯有再慢慢考慮下.
$5000 係真係好肉痛. 但影相又真係好靚咁. >_<
玻璃教堂真係好靚~~ support~~~
回覆刪除[版主回覆10/25/2012 12:57:22]係呀. 真係好靚.
所以貴少少都應該ok.問題係怕太趕咁.
book教堂都好貴下wor,
回覆刪除我諗住係酒樓個有戶外証婚場地註冊算數...
[魚仔回覆10/28/2012 14:41:03]$3000
[版主回覆10/28/2012 14:25:56]即係幾錢呀？唔係最少都要幾千咩？
[魚仔回覆10/28/2012 13:45:32]哈哈,我仲慳lor,
唔係,我諗住book壹誓最平最傳統個plan.
[版主回覆10/27/2012 23:14:41]我其實好慳啦。如果唔係點會成日淘寶呀。哈哈
你去最傳統？即係註冊處唔去戶外個露台證婚？
[魚仔回覆10/26/2012 09:41:02]你都好捨得洗既xd
我諗住book最傳統果d算.
[版主回覆10/25/2012 23:05:58]我都想個酒樓有戶外場地呀.
不過我個場冇. 而且請律師都唔平架.
都要幾千.
玻璃教堂其實都幾靚, 但30分鐘真係好趕,仲要預d人準時到, 完左又唔可以留太耐時間影相~
回覆刪除[版主回覆10/28/2012 12:43:59]佢地太遠了。而且伯大尼唔計律師都要幾千呀
加上我個日係紅日。依d 地方郊區一定好多人。
[Mavis回覆10/28/2012 11:30:27]教堂可選伯大尼同西頁景輝堂, 佢地時間耐d, 但價錢都貴d.....
[版主回覆10/27/2012 23:13:03]其實我都有諗。但我睇左油尖旺的證婚場地。
都係30分鐘。除非去真正的教堂(但我同男朋友唔係教徒)
之後註冊處我又唔想。所以揀得既都無多