♥ 囍 ♥ Candy Corner ♥ 糖果袋 ♥

淘寶另一收穫. 就係 CandyCorner 既袋啦.
買左總數 250 個. 雖然一定會用剩. 不過我本身都會成日整甜品所以唔成問題的.
今次入手價錢應該唔過 $100
大家有興建就去淘寶 search [ 平口袋 ]
咁就有好多款俾大家睇.. 其實有好多係有埋封口.
不過我打算將婚禮個 logo 整埋做貼紙封口.
所以就冇買個款. 但個款就比較方便賓客同衛生d 啦.

♥ 囍 ♥ 攝影錄影 ♥ 純美新娘 ♥

終於 confirm 搵返小寶了. 其實我家姐. 同我男朋友家姐都係搵小寶.
所以當我結婚時. 我第一個都係諗起佢.
不過想睇多d 野參考. 所以之前做左個好詳細的資料搜集.
搵左廿幾間的公司睇. 發覺最喜歡的都係小寶.
所以尋日見有半日假就去落埋訂啦.
咁岩又係見到老闆. 價錢其實非常合理啦.
STEVE 俾左個好好的價錢我. $8-9K 就有 2P1V. 仲要有埋高清攝影
我仲要講價. 講完再叫佢送多兩份禮物俾我. haha. 我都覺得自己好叻女.

依家確定左要小寶+樹哥+membo.

以下的就係禮物項目. 唔知可以點揀五樣
要加錢就通通唔要.即係唔要 5. 11.12.
當中 1 就一定要啦.
其餘 7.9.10 .13 都係好無聊的野..
所以得返 2.3.4.6.8.. 唔知在依度應該揀邊一樣唔要呀.
大家可唔可以俾d 意見我呢?

仲有. 上面提及的 EXECL 資料搜集表我整得好辛苦架.
費時公開影響到人地做生意.
又唔想浪費哂 D 心機. 所以大家可以留EMAIL 俾我.
我可以SEND 俾大家睇. 當多個參考啦.

♥ 囍 ♥ Pre Wedding ♥ 小道具

淘寶集運收貨了. 依個係第一批.
係用作影 Pre Wedding 的.
收到之後好開心呀.  件件都好靚.
真係好期待12 月個 Pre Wedding 呀~
不過男朋友見到之後應該會好頭痛. 唔知架車放唔放到咁多野呢.
仲要有化妝箱.婚紗.攝影器材...

依到總數唔記得啦. 不過我覺得好平. 樣樣都唔會過 $ 10 rmb.
人民幣依家升得太快啦... 要入定多d 支付寶慢慢淘先得喇.
因為就算人仔點升. 在淘寶買野都仲係平過金都.

如果大家有興趣自己淘. 去淘寶search [ 拍照 道具 ] . 就會有好多選擇啦 ~

♥ 囍 ♥ 雜項篇 ♥ 推介網站 (1) ( 私有化 )

推介下一 D 我覺得有用的網站俾大家.

擇日擇吉時的網站, 因為我覺得其實出去俾人擇實在太煩. 又要揀岩人, 又要睇價錢,
所以我都係參考網上的資料就OK 啦. 下面個網站連我2014 年都查到, 所以應該都岩大部分的b2b 了.
http://luckyday.9sec.tw/


外國有關婚禮的網站. 入面有好多好得意的idea . 大家可以參考下
http://www.weddingchicks.com/freebies/wedding-signs-labels/floral-monogram-table-number/

http://www.teardropweddings.com/products/wedding-menus?pagesize=21&s=newest


由於我想整鋼印. 所以做左好耐功課
依一間香港的印章公司係最多人推薦的
http://www.ablestamp.com/

♥ 淘寶 ♥ 推介 Candy Corner 樽 ♥ ( 私有化 )

以下的樽全部都係淘寶搵的.
Click 入去就知詳細資料了
建議搵d 有售後服務的. 即係如果到香港真係爛左都可以退款既
咁運輸真係有咩事都唔會有捐失嘛.

♥ 囍 ♥ 證婚 ♥ 戒指座

我發覺我個進度真係好快. 快到其實我有D 不安.
因為我份人真係太心急啦. 咩野見到又平又靚都會買.
所以係時候要收下手啦...下星期落埋攝影訂金就真係要忍下手.
如果俾男朋友知道佢放在我戶口度既錢得返所剩無幾就慘啦.
依個戒指座係之前同男朋友去澳門時買既.
價錢一D 都唔平..要 $2XX - 3XX.
如果唔係個 trip 免費我係一定唔會捨得買的...
其實依個座. 正確來說係一個相架.
不過一拎走塊玻璃. 加少少花花就會將佢變做戒指座.
我打算放對戒指在小仙子的翼上面.
效果應該幾好呀...諗到就好開心了.
我依個 Tinker Bell 迷仲收集緊好多佢的精品呀.
如果各位blog 友見到邊到有佢既精品賣既. 都拜託同我講聲丫. thanks so much

♥ 囍 ♥ 證婚 ♥ 睇場記

早幾日同男朋友去完又一城睇戲. 難得去開就去埋玻璃教堂啦.
由又一城出發坐的士去 $30 有找. 去到咁岩有對新人岩岩行完禮. 所以企在對面馬路等.
等左陣入去就有個男人帶我地周圍帶去. 入到去真係好靚呀.
雖然真係細左 d. 一張長座位最多坐 3 人 [ 有小朋友 / 好瘦的女仔 ] 應該可以坐到 4 個既.
全場有 12 張. 即係都係 36 人左右.
場內有冷氣. 亦有少少裝飾的.
講到價錢就 $5000 / 30 mins. 如果前後冇人就可以在教堂前影下相.
如果有人就要趕走啦. 不過因為我個日係假期. 而且我打算預約 2:30 / 3:00
都係d 比較多人爭的時間. 所以要再諗諗依到點搞先.
因為佢場地唔大. 如果同一時間有兩對新人+親戚真係會迫爆玻璃
至於一直都好擔心的態度問題......玻璃教堂都冇令我失望. 態度都唔算太好. hahahahaha
而且又話我的日子係特別日子要收費..想我即時落訂.
但我其實查清楚左. 我結婚當日並唔係特別日子.
唔知係個男人想氹我快d 落訂. 定係佢真係唔熟日子了.

去完玻璃教堂. 又係坐的士去左拉斐特.
明顯拉斐特地點真係好方便. 在油麻地地鐵一出就係.好近消防局同廣華醫院.
一入到大門都幾好的. 可以用電梯 / 樓梯. 唔會唔方便長輩.
再入到去大堂都好大. 有獨立新娘房.
睇左兩個場. 我同男朋友都中意紫天使多. 但人數都係40 人左右啦.
價錢就同玻璃教堂差唔多.
不過 Sales 一直態度都唔太好. 而且唔太專業

我 : 如果當日泊車可以點呀?
佢 : 旅遊巴你可以轉個彎. 可以泊一陣的. 花車如果冇司機. 就要叫兄弟泊去家樂商場.

其實依度佢真係唔多專業. 如果我叫個兄弟泊到咁遠. 佢又點趕到睇我註冊呢?
同樣地兄弟都要早走去渣車接我. 即係成個程序個兄弟都會睇唔到...
仲要其實個度去家樂係好唔方便的...
雖然我未決定好當日係由邊個渣車. 定係請司機.
不過佢咁講真係令我好驚.
本身油麻地已經多人. 佢仲要冇一個停車場.
所以又係要諗諗啦.

七年七個月快樂 ♥♥♥

其實除非周年紀念日正日. 如果唔係都冇再慶祝特別日子了
聖誕節. 情人節我依家都會考慮食中菜. 就係為左唔想食套餐.
一年一度除了生日. 最重要就係周年日. 因為依一日先係真實屬於我同佢的日子.
今次走去食自助餐都係幾即興架. 因為我依個新界人難得會去港島區接男朋友收工.
依間餐廳係第四次去食了. 價錢合理 $358 + 1.
有即開生蠔. 鵝肝多士. 刺身. 多款和牛 . 長腳蟹. 仲有心太軟. 牛奶布甸. 麵包布甸等等甜品.
食完真係好滿足呀. !

傻佬仲叫人寫字. 愛朱古力的我一口氣食左兩個.
要好抑壓自己先唔食第三個呀.
如果唔係食完唔知要踩幾耐單車..跳幾耐舞先消耗到呀.

♥ 囍 ♥ Candy Corner ♥ Love Plate 入手了

話說之前開團團購 Love Plate. 誤打誤撞之下識左個岩岩結左婚既B2B.
成功用二手價購入它了 . 不過我之前的團購既然開左. 都會繼續的.
如果有人想買. 都可以繼續留言. 因為其實都係爭幾個就成團了.
至於其他的Candy Corner 樽見好多人都問我拎Link 呀.
遲d 得閒會放d 我搵到既Taobao Link 上泥啦.

♥ 淘寶 ♥ 推介利是封 ♥

在結婚個項目度. 我係好緊張張帖既.
所以由依家開始我已經睇定 d 資料 . 到差唔多時候就會一次過買哂d 物資.
咁岩見到 d 利是封好靚好特別又平. 所以同大家分享下啦.
中意的click 入圖就有link 架喇,

♥ 日常生活 ♥ 善用信用卡優惠 !

最近因為煩緊揀邊個攝影師. 所以一直都無去理其他野.
依家有左大約的心水啦.. 等埋下星期收到張信用卡就可以去落訂了.
話說我最近申請左兩張信用卡.
一張係渣打一張係安信. 兩張都係分別在兩三個月內. 簽滿 $4800 .
就可以有分別 $ 800 同 $ 500 的回贈.
對於今個月要搞掂攝影同埋下個月要買餅卡的我來講. 真係天大的喜訊 !
上次去落酒樓訂成 $25000 冇得慢慢look 卡拎現金拎迎新我已經好唔開心.
所以之後基本上每一個大的項目. 我都要申請多d 信用卡去做個精明的師奶仔.
男朋友成日唔明白我. 仲話我依d 細數唔好咁執著. 但佢唔明慳下慳下就好多.
好似今次咁. 如果真係成功拎到兩張卡. 仲可以簽埋的. 可以有 $1300 回贈呀 !
不過如果自制能力唔好就唔可以咁做啦. 爭下爭下成身卡數真係得不償失呀.

♥ 淘寶 ♥ Candy Corner. (2)

尋日終於泥左三個 Candy Corner 樽啦.
不過有一個好唔好彩爛左. 好彩賣家都好好退返錢俾我.
好開心啦. Candy Corner 大家庭已經有五個成員.
應該買多兩個就要收手了

奶黃月餅

雖然過左中秋. 不過其實依批月餅早兩個星期已經整好了
食譜有參考過好多人. 不過最後用個版本係自創的.
我覺得比得上半島架. ( 因為男朋友買左兩盒半島俾我. 日食夜食食到好厭啦.haha )
我依個係酥皮餅皮.
整依個月餅其實唔難. 係煩在要既材料都多款. 但係用量又少.
所以為左清哂材料整左好多個呀. 好彩派得哂咋

♥ 囍 ♥ MUA ♥ 妝容篇 ♥

其實我一向都有化妝習慣. 雖然我皮膚冇乜大問題.
但其實有個好嚴重的黑眼圈+濕疹.
所以我比較緊張個底妝.
而今次試妝好開心個底真係打得好薄.
係用韓式的底妝. 雖然我唔知係咩.
不過感覺上又真係貼好多喎. 最緊要唔會俾人睇到自己好厚粉
另外由於我眼其實有少少鴛鴦. 一隻比較圓.一隻比較長.
所以MUA 要用眼睫毛幫我矯眼形.
本身隻眼可以再BLING BLING D 架.
但因為我唔中意個眼妝太濃... 所以都係痴 2 對眼睫毛就夠了.
再痴我會怕好假呀. 會好似依家D小妹妹咁.
總括來講我真係好滿意既.
依張我用手提自拍既. 所以D 色會有D 怪. 但都睇到對眼係 BALANCE. 好感動...

 

之後依兩張在工作室影...在日光下.
冇打光冇執相. 所以我都好滿意.
因為我好怕化妝出到去會太濃.

分享完畢

MUA 的BLOG :
http://blog.yahoo.com/_PYI5WSMBQQC7CCU4WHW3HNZBSY/articles/693796/index

♥ 囍 ♥ MUA ♥ 掛頭出門

 

 

妝容的相會私有化. 髮型照先會公開

趁依個假期試妝了. 其實MUA 真係好重要呀.
記得個陣同家姐去搞婚禮. 佢搵左ESD 一個紅人幫佢.
結果效果好差啦. 而伴娘既我仲慘. 因為我係助手化架.
早一晚因為太緊張 3 點先訓, 第二日又要晨早起身已經眼腫.
雙眼皮的我變左內雙眼皮. 但個助手連幫我痴一痴膠紙都無.
所以真係好嬲呀. 全日眼腫腫咁見人. >_<
到左我婚禮我做主角更加唔可以失策啦. 上網做左好多搜集
最後搵左佢. 其實佢係一個同我幾親密的人. 但正正因為咁...
我大日子個日佢都會出席. 所以我一開始唔打算搵佢..
唔想佢為左幫我化妝. 冇得好好坐得食下野.
但係最後搵佢試左幾次... 都係決定用佢啦. haha.
而且咁岩佢在台灣學完台式妝返泥.
特別我又好中意台灣新娘既髮型造型. 所以更加開心.
周圍上網睇好多作品. 希望下次再試妝可以一次過試埋大日子的造型啦.

掛頭(1) . 因為我中意有金色. 所以依個頭以金為主. 襯紅色閃石.

掛頭 (2). 用左紅色的花. 因為依家唔係著掛. 所以可以遲d 先決定用咩頭飾.

♥ 囍 ♥ MUA ♥ Pre Wedding 之 3 個造型

 

妝容的相會私有化. 髮型照先會公開

掛頭第一篇請到 http://blog.yahoo.com/miss.sugar/articles/690469 





依個頭會去1881. 會著依一套婚紗.
http://blog.yahoo.com/miss.sugar/articles/683955/index

之後依個我好中意. 係我打算著粉紅色的晚裝去迪欣湖的.

最後依個打算去影夜景.

♥ 囍 ♥ Pre Wedding ♥ 遇上無禮攝影師 ♥

自從決定結婚後. 身邊好多朋友都同我一齊傾下結婚野
有D 仲會一齊參與, 俾好多意見我.
話說早一段時間有朋友同我講佢識左一個Freelance 攝影師,
仲俾左佢d 作品我睇. 我同男朋友睇完都覺得影得幾好. 雖然都好重味精.
不過平平地拎個經驗都好呀. 因為個攝影師都係新手一名. 
所以收費當然較相宜. 佢既目的都只係拎多d 相片做 PROFILE .
咁我朋友就當時同個攝影師講左. 有朋友有興趣.
當時個攝影師就話到時再約時間啦.
之後到依幾日. 其實我都忘記左件事.
因為我已經搵到個更好的攝影師.
而且朋友又一直無聲氣. 我以為佢都忘記左
點知原來朋友幫我再問個攝影師.
對話如下 :

朋友 : 係喎. 上次咪同你講朋友結婚. 想搵你影輯 Pre Wedding 呀
攝影師 : 你朋友係咪專業 model 呀?
朋友 : 當然唔係啦.
攝影師 : 下 . 咁係咪靚仔靚女 ?
朋友 : 唔係呀....

之後個攝影師就無再回應. 而且刪除左個對話.
唔知係咪因為佢都覺得自己咁樣問人再無視人地係好無禮貌的行為
所以要咁快刪除左.
其實佢都係新手. 就算佢肯我都要再考慮下架.
因為其實出去影輯相我都要搵化妝. 又要渣車. 又要請假
仲要未必影得好. 仲要仲要用泥賣廣告 !
我都有一定風險承擔.
如果佢係明星攝影師咁有架子我都會無咁嬲 ( 雖然如果態度唔好. 我都唔會俾錢佢地賺 )
但問題佢只係一個初入行的攝影師.
連咁少少既尊重都唔識 ! 真係激死我啦 !!!! 

發洩完畢. 希望各位b2b 唔好咁唔好彩遇到佢啦 ! 

♥ 囍 ♥ D.I.Y. Pre-Wedding 小道具 (2) ♥

上回提及: http://blog.yahoo.com/miss.sugar/articles/680304/category/%E2%99%A5+%E5%9B%8D+%E2%99%A5+D.I.Y.+%E2%99%A5

之前剪好左 d 性感嘴唇之後一直都冇理過了.
但早幾日拎返出泥睇. 發覺嘴唇邊有d 原子筆痕呀.
一定係之前畫完出泥再剪個陣整得唔好.
所以就再作出少少改動啦. 但男朋友今日唔係度冇人幫手. 唯有靠自己啦.
又係在上面又係搽白膠漿.
之後就浸入去閃粉入面. ( 因為手工唔好, 咁樣係最少錯失.哈哈 )

成品如下 :



個效果都唔錯架. 而且搽完膠水等佢乾左之後個嘴唇仲會左右會有少少彎.
影相時效果應該更好.

♥ 囍 ♥ Pre Wedding ♥ 婚紗太大. 求助 !

之前在淘寶淘既婚紗.
因為後面係綁帶. 而我差唔多次次都係自己幫自己著.
所以未試過真實試上身的效果如何
岩岩終於試左上身. 媽咪同我講話已經係綁到最緊最緊了
但問題我運nubra / girdle 都未著.
我已經覺得個腰位有d 鬆啦.
應該仲有 1 吋可以修改下.
但問題係如果拎出去俾人改改左右的兩邊腰位又唔知要幾錢
成件拎過去問又好論盡
問左朋友意見. 佢地話個日去影相已經好辛苦啦.
叫我唔好再修. 少少鬆會舒服d..
但問題我已經唔係瘦. 再由佢有少少鬆都唔想了
所以唔知點好呀. 有冇朋友仔俾到意見我呀?

♥ 囍 ♥ D.I.Y. ♥ 婚紗 DIY : Lace 篇

上星期去完深水步買材料之後 . 今個星期我就開工啦 !

上回買材料 : http://blog.yahoo.com/miss.sugar/articles/687617/category/%E2%99%A5+%E5%9B%8D+%E2%99%A5+D.I.Y.+%E2%99%A5

其實程序好簡單. 就係將手袖的 lace 打摺咁聯好.
當然事前要度好長度啦.




之後再將吊帶縫合埋一齊.



最後大功告成啦. 兩條手袖就咁完成.
到時將佢變左吊帶就會有手袖啦.
成本約需 $ 30 . 時間就視乎手勢啦.
我就用左半個鐘左右就搞掂 lu . 成品遠睇都唔錯架
唔好近睇就得.