蝴蝶酥 [ 附食譜 ]

一直都好中意食蝴蝶酥 . 無奈出街買的都唔夠甜 .
所以自己整就最好 . 甜味可以任我調較 .
整完就好快清哂喇 . 不過依個甜品好肥 .
所以都係少食為妙

食譜 : [ 10 - 12 件 ]

即食酥皮 1/3 包 [ 我用開依隻 ]
砂糖 適量
肉桂粉 (可不加 ) 適量

做法 :

1) 預熱焗爐160 度

2) 將酥皮放在室溫放軟後用木棍展開 [看圖] , 然後放上砂糖及肉桂粉 , 再向內對摺 , 大約 3-4 次摺到中間位置就好 , 用刀切大約 1 cm 厚 , 放在焗盤上焗大約 8 分鐘 , 取出再反轉再焗 5- 8 分鐘至金黃即可。

Love Plate

團購 Love Plate 個 post 俾人刪了.
有意的請私人留言啦.

比

http://vimeo.com/49218614

♥ 淘寶 ♥ 團購PreWedding 首飾 ♥

尋日開左個post 見大家都有興趣淘寶...咁岩我又要開始買野去影 PreWedding 相.
所以想睇下大家有冇興趣. 如果有興趣大家可以一齊買share 運費呀.

網址如下 :

http://shop33388568.taobao.com/?spm=a1z10.1.0.483.fb58e7&search=y
 
如果大家真係有興趣.
將個貨價 + $ 5 x 1.25 匯率 = 總數

匯率係幫我入數個人定的. 唔係我定.
至於買1-5 對都係 $ 5 運費. ( 除非5 對以上 )
$5 我已經包埋大家香港平郵的郵費.
所以真係冇賺錢 . 只係為左大家一齊慳下錢做個靚新娘.
如果大家唔想俾地址我郵寄.
我都接受面交的. 不過時間地點就要就返我.
大多都係葵芳. 荃灣 同 尖沙咀地鐵站.

而且有d 細則都講明先.
1.運輸過程中有咩破損我唔會負責.
2.如果缺貨我會退錢.
3.必須要先入數. ( 不接受先入訂金. 如果唔信我就唔好買了 )
4.因為我未知道今次會係集運. 定係一程到香港. 所以請各位俾d 耐性. 唔好催我 ^_^

如果有興趣請留言啦.

桑寄生蓮子蛋茶 [ 附食譜 ]

最近家姐身體差左. 我咁錫佢當然會煲野俾佢飲啦
好彩屋企樓下有藥房可以買桑寄生.
我之前睇食譜好多人都話一大盒只需 $10 - $15 .
但我買要 $25 呀. 物價真係升得高

依個糖水其實我覺得味道似涼茶多.
不過都好易煲 . 而且對女人身體真係好好.
所以以後都會常煲 !

食譜 :
桑寄生 130 g
杞子 適量
蓮子 30 粒
紅棗 20 粒
雞蛋 3-4 隻
清水 2 公升
片糖 1.5-2.5 塊

1. 將桑寄生+杞子洗剩 , 蓮子紅棗去花洗剩 。
2. 開水放入雞蛋煮至大火. 滾8-10 分鐘至熟透. 撈起放入開水中。
3. 放入 2 公升水 , 加入桑寄生 , 杞子 , 蓮子及紅棗煮滾 , 大火五分鐘後改至小火 45 分鐘。
4. 撈起桑寄生 , 放入已剝殼的雞蛋, 再加入片糖調味 , 熄火 。

淘寶

其實我淘寶大大話話都有5-6 年了. 由我家姐個婚禮淘到我個婚禮
咁岩身邊又有朋友2014 年結婚. 所以大家又一齊淘淘淘 !
所以大家BLOG 友如果有興趣. 我想搞D 集運.
大家可以一齊SHARE 運費又可以交流多D 心得嘛.
我暫時打算淘

1) 婚紗.  < 無錯. 我係打算大日子個日既衫都係上淘寶訂造..hahah .
2) 兄弟呔
3) 姊妹裙
4) CANDY CORNER 的樽. 裝飾. 袋仔.
5) 筆名筆.
6) 香檳杯
7) 喜帖
8) 婚紗相的相簿 ( 因為我pre wedding 要自己排版整相簿呀 )
9) 玩新郎的所有道具
10) Pre Wedding 的情侶裝
11) 手花.襟花.花車裝飾
12) 婚鞋. 掛鞋
13) 花球己淘 ( 但會淘多個大日子用)
14) Love Plate
15) 人情箱的 diy 用具

其實應該仲有好多. 但係我一時間又寫唔哂.
所以大家如果有野想一齊淘可以分享呀.
又或者大家想要以上咩野資料. 我都可以提供少少 link 的 ^_^

♥ 囍 ♥ 證婚 ♥ 場地選擇 ♥

 

話說自從酒席落訂之後. 真係好多野要著手去處理了.
攝影 . 婚紗相. 證婚場地. MC . 花車. 依幾樣係比較首要的
婚紗相就有左心水. 打算去台灣影一輯.
之後諗既係證婚場地. 因為我唔想去註冊處度搵律師證婚.
始終都係好想行入教堂依D 比較莊嚴的地方.
去圓一圓我個公主夢. 哈哈.
所以做左少少功課. 暫時入圍既有
1.世紀見證 [ 尖沙咀 ]
2.伊甸園 [ 九龍塘]
3.拉斐特 [ 油麻地 ]

三間的地點都尚算方便. 唯獨係拉斐特在油麻地. 我怕花車去到會塞車加上好易整花.
因為結婚當日係公眾假期. 怕交通情況好難控制. 而且依個場地在一樓. 
又係好怕會爭電梯用. 好似尖沙咀的 奇妙姻典 就係因為咁俾我BAN 走.

至於 世紀見證 價錢係最合理. 但問題在於我家姐當年都係同一場地
所以唔想證婚場地同結婚場地都一樣. 所以依個未必考慮

最後的就係 伊甸園 . 依一間我覺得地點好合適. 個環境裝潢我都真係好喜歡
最大問題都係價錢係三間最貴. $5380 / 30 分鐘.
所以要再諗諗先. 始終都係要去實地考察下先得 !

1.世紀見證 [ 尖沙咀 ]

 

2.伊甸園 [ 九龍塘]

3.拉斐特 [ 油麻地 ]

 

好頭痛呀. 有冇人去過其他證婚場地又覺得OK 可以推介下呀.

 

麥堤沙糯米池 [ 附食譜 ]

[材料]

李祥和糯米粉60g
李祥和粘米粉5g
木薯粉10g
無糖可可粉3茶匙
防潮可可粉適量
水170g
糖40g
麥提莎16粒

(1) 糯米粉、粘米粉、木薯粉倒入大碗中拌勻。
(2) 水加入糖及無糖可可粉，
(3) 用小煲煮滾後熄火。
(4) 隨即撞入混合粉內快速拌勻。
(5) 倒入盆中用中火蒸18分鐘，取出稍為放涼。
(6) 戴上膠手套，用匙幫助取出糯米糰，放在不黏紙上。
(7) 用手心略為壓平，放上一粒麥提莎，將邊位之糯米糰包至另一面，然後搓圓。
(8) 每粒搓圓的糯米糍放上不黏布上，再灑上防潮可可粉即成。

[ 食譜 ] : 轉自如月

依個食譜好好呀. 整出泥既糯米池都好好味.
不過有幾樣野要注意呢

1) 唔好在太熱的時候包. d 朱古力會溶得好快
2) 太涷包都唔好. 個皮好難埋合
3) 我個日用的防潮可可粉唔知發生咩事. d 糯米池上完粉之後表皮都係有d 水分咁
下次要在最後包好哂先上曬粉
4) 個皮份量要預岩岩好就夠. 如果個皮太厚會好流 . 會好似食粉團咁 ~

♥ 囍 ♥ 家庭篇 ♥ 四大長老 ♥

其實由我同男朋友結婚開始. 我地雙方的父母都無乜俾好多意見.
就算係都係好好咁同我地傾.
例如我媽咪要求擺酒當日要係假期. 鮑魚要係一隻隻上.
男朋友媽咪都只係擔心當晚流程安排.
而雙方父親更加係無乜意見. 但係男朋友父親都有為左我地個婚禮打俾朋友去疏通少少關係.
所以我同男朋友真係好幸福啦. 因為上網睇見好多人都會俾自己父母同埋老爺奶奶/ 外父外母激死.
而且我地又唔駛擇日. 唔駛帶佢地試菜. 唔駛同佢地去落訂傾菜單.
乜都係我地自己搞掂傾掂. 變相好多野都唔需要有分歧.

就算去到將來我地既屋企. 我媽咪同未來奶奶都冇要求我地要住近任何一邊.
不過未來奶奶都好心水清. 知道我始終會痴住媽咪多D.
只係要求男朋友唔好住太遠就好了..
而我同男朋友都有共識. 唔好住近哂其中一個媽咪. 因為點樣另一個都會呷醋.
所以我地揀左中間點. 睇樓都係睇中間位. 不過依家樓價太貴啦. 所以我地都停左睇樓.
希望遲D 樓價可以回落下再入市啦.

♥ 囍 ♥ 場地 ♥ 北京道一號帝廷酒家- 落訂喇

太開心了. 尋晚終於同男朋友去落訂. 去之前我仲死心不息去睇多個場.
就係isquare 的金殿海景. 因為佢個空中花園真係好吸引我. 而且仲要係26 樓咁高. 但問題係原來都好多柱.
而且裝潢太金光閃閃啦. 如果我個日子仲要最低消費 25 萬. 即係要一萬蚊一圍. 我覺得佢個裝潢睇落真係低俗左少少..
如果再搵埋佈置就會over budget 了. 所以最後都係走人. 去左帝廷落訂.

去到雖然有人擺酒. 但陳經理都全程serve 我地. 過程都好開心. 可能因為陳經理知道左我家姐當年又同一場地.
加上男朋友屋企同集團有少少少少生意來往.
所以對我地都好客氣. 好多野都 free 哂俾我地.
我地完全唔駛去拗. 只係需要提醒佢. : 糖水一定要加湯圓呀 !! ( 因為當晚我要打包好多湯圓返屋企食. 哈哈 )
依家菜單加哂一都好合理啦. 不過大日子實在太遠了. 仲有成兩年時間俾我慢慢去籌備.
之後要諗的應該係...攝影 + MC + 證婚就可以了.
婚紗相都應該有左眉目. 只係等男朋友放假同我再睇多D 資料就可以肯定了.

銅鑼燒 [ 附食譜 ]

上次在二德惠買左一大包紅豆蓉 .
整完紅豆燒餅之後仲剩低好多.
好彩好多甜品都會用到紅豆. 今次就整豆沙包 !
其實依個豆沙包係第二次整的.
因為第一次個食譜係沒有梳打粉. 而且是需要靜待 15 分鐘發酵的.
但我發覺麵糊是比較浠, 煎時亦比較難控制餅的大細.
厚度亦明顯較薄. 所以第二次我就用以下的食譜.
比較方便, 不用15 分鐘發酵 , 而且麵糊亦夠黏稠 !
煎出的餅好像麥當勞的熱香餅.
所以極力推介這個食譜 !

銅鑼燒(豆沙餅) (食譜來源 :吉斯蒂的幸福廚房)

材料 :- (約 6個份量)

A) 雞蛋 2隻, 黑糖 40g

B) 蜂蜜 1.5湯匙, 味醂 1湯匙, 菜油 1湯匙, 鹽 少許, 梳打粉 1/2茶匙

C) 低筋麵粉 90g, 粟粉 10g, 泡打粉 1/2茶匙, 清水 2湯匙

D) 即食日本豆沙 適量

做法 :-

1. 將雞蛋加入黑糖, 用打蛋器混合; 再加入材料 B 打發至起泡

2. 材料 C 的粉類過篩, 加入步驟 1 之混合物中, 再倒入清水輕手拌勻; 用隔過濾大顆粉粒備用 [ 圖1 ]

3. 燒熱鑊,下1湯匙粉漿, 小火煎至表面冒泡後, 翻面再煎約 40秒取出 [ 圖 2 ]

4. 在兩片燒餅中間夾上豆沙餡, 即成

♥ 囍 ♥ 場地 ♥ 今晚去落訂了

今晚終於肯去落訂啦. 其實都真係早左好多.
我見好多新人都係早一年到. 我早成兩年呀.
不過無辦法啦. 早有早既好. 我同bf 可以早好多時間儲錢同埋準備
特別係我依個想影好多輯Pre Wedding 既人.
而且我同bf 仲要係兩個人殺上去. 未來老爺奶奶連場地都未睇呀. hahahah
好彩家姐俾左幾年前佢落訂既單俾我睇.
有好多野都可以跟返佢 ! 希望一切順利啦. !

蜂蜜蛋糕 [ 附食譜 ]

材料︰(8吋長方形模份量)
蛋 4個
糖 20克
蜂蜜 2湯匙
低筋麵粉 85克
沙拉油 2湯匙
鮮奶 2湯匙
他他粉 1/4茶匙
糖 50克

製作
1.
先用150度預熱焗爐。
2.
蛋黃加20克糖打成淡黃色，加入蜂蜜打至濃稠，加入鮮奶及沙拉油拌勻。
3.
將麵粉過篩，慢慢加入蛋黃糊中。
4.
蛋白打起加他他粉，再將50克糖分2次加入，打至企起。
5.
將蛋白糊分3次加入蛋黃糊中。
6.
模型鋪紙，裝模，即可烤焙 。
7.
以攝氏150度烤約40分鐘。

[ 食譜 ] : 轉自為食貓
 

我的麻煩男友

突然間好想由文字上寫一下同男朋友的點滴
記得岩岩識佢時只係中學生一名. 兩個人由網上世界到電話世界. 個陣佢仲同我講叫我做佢女朋友.
但個陣我地都仲未見面 . 所以當然拒絕左佢啦. 之後傾下傾下. 見埋面. 到拖左手. 原來不經不覺已經 7 年多.
記得個陣放學. 之後佢就會泥接我. 之後大家食個下午茶. 見兩個鐘左右佢就會送我返屋企. 而佢就會趕返工.
而在星期六日的日子. 我放假時就會去佢公司附近搵佢. 之後又係食個茶餐就走人.
但原來有時見得愈少. 真係會愈珍惜大家相處. 特別當時要考公開試, 所以見面又少.
之後曾經因為性格唔夾分開. 又因為唔捨得對方復合返,
到兩個人真係好努力去為大家改變. 之後一齊去旅行.
去融入大家家庭 ( 特別係男朋友啦. 因為個陣分手我為佢傷心左好耐, 所以我屋企人初初好抗拒佢架 )
之後不知不覺. 到我都踏入社會 . 面對好多轉變.
加上家庭好多好多變化. 我都一直好感液激自己身邊有佢.
我係一個好好好典型的獅子座女生. 而佢又係一個獅子座男生 ( 其實一向唔多信星座, 但今次又真係好準 )
即係又自我. 又要面. 又麻煩既一個女人. 偏偏佢脾氣咁大的男人. 好多時都會為左我去遷就同忍耐.
到依家咁多年. 佢仲會成日接我收工. 買朱古力我食. 日日都同我講我愛你. 每一次放假你都一定留俾我
我要食乜.買乜. 去邊到. 你無論幾累你都會陪我.
仲要忍受我好多好多不必要的原則.
之後每一日都會好痴住我. 令我感覺到自己真係好重要好重要.
特別當身邊每一個人都羨慕我時.我就會覺得當日同返你一齊個決定冇錯. ( 因為當時太多人反對啦 )
咁多年. 佢為我改既. 做既. 一切一切我都有記住.
雖然我都成日同佢講. 我同佢一齊有幾幸福.
但在度都唔爭在講多次啦.
多謝你呀. 未來老公

11

♥ 淘寶 ♥ Candy Corner. (1)

我係一個好中意整野食的人. 特別係甜品.
因為見到人地食自己整既野. 之後見到佢地好滿足個樣真係會好開心.
所以我好堅持我將來的結婚場地一定要有Candy Corner.
而且我仲係將Candy Corner 放在心目中頭幾位.
我仲心急到場地都未落訂就走左去 ( 哈哈. 應該下星期一. 二 會同男朋友去落訂啦 )

下面的就係今次收鑊啦. 全部都係淘實集運返泥.
初初好驚會運到泥都爛哂. 但真係不得不佩服佢地的包裝.
每一件都完整無缺呀 !
而且兩件都係大特價時買. 加埋唔駛 $ 250 hkd .
真係好抵 !
又為我的廚房帶多兩個新成員啦

三個都真係好靚. 愈睇愈中意呀

朱古力慕思蛋糕 [Chocolate Mousse Cake] [ 附食譜 ]

依個蛋糕係我最愛的蛋糕 , 因為我一向都好怕蛋糕太多cream .
而且好多時慕思都會加入蛋黃 !
但因為家人腸胃敏感 , 所以我一向的食譜都不會使用生蛋
這個食譜就剛好符合我的要求 , 不會太膩而且步驟也很容易
相信今年朋友生日我會再造一個 ~

朱古力蛋糕 : [ 6 吋餅模 ]
朱古力蛋糕預拌粉 x 1
亦可參考 特濃朱古力蛋糕

朱古力慕思：

材料:
朱古力200g
鮮奶150ml
淡忌廉300ml
亦可加入

做法:
1. 焗朱古力蛋糕 , 倒扣至冷卻 , 切 2 片 [ 蛋糕上下可不要 ]
2. 切碎朱古力備用, 鮮奶煮滾 , 加入已切碎的朱古力拌勻, 放15分鐘至室溫
3. 用慢機打發淡忌廉至杰身備用 , 再加入已冷卻的朱古力鮮奶拌勻
4. 準備蛋糕模及放上牛油紙 , 先倒入慕思 , 放上一層蛋糕片 , 重覆一次步驟 , 最後倒入剩餘的慕思 [ 參考圖片 ] , 放入雪櫃雪至冷卻 [ 約 2 小時 ]
5 . 2 小時後取出蛋糕. [ 最好用活動蛋糕模 ] ,
否則可用風筒吹至蛋糕邊微暖 或 用暖毛巾包裹蛋糕圈 , 方便脫模
6 . 裝飾

 

 

木糠布甸 [ 附食譜 ]

食譜 [ 4~6杯 ]

材料：
淡忌廉 500克
煉奶 半枝 [ 份量可隨意加減 ]
馬利餅 1筒
雲尼拿香油 數滴

做法：
1. 將淡忌廉打至軟身。
2. 加入煉奶打起至8成。
3. 將馬利餅碎放在杯上，逐層放上忌廉重覆做便可。
4. 放入冰箱雪硬即成。

雞蛋餅 [ 附食譜 ]

家姐好中意食依個雞蛋餅. 上網搵過食譜見佢唔駛落牛油幾健康就試整,
但問題唔落牛油但係就要落好多糖. 所以一次都係唔好食咁多. 少食多滋味

食譜 :

材料: 約 100 件

雞蛋   2 隻
砂糖  100克
麵粉  120克
栗粉   30克

做法 :
1) 雞蛋先打發 1 分鐘. 之後將砂糖分 3 次加入並開高速打至呈絲帶狀
2) 預熱焗爐 200度, 篩入麵粉及栗粉並拌勻. 放入唧袋成圓形.
3) 放入焗爐焗 8-10 分鐘至金黃色.

為 Pre Wedding 作好準備 : Color Con

話說好快就要影 Pre Wedding 了. 為左想有多d 造型所以買左盒 Color Con 玩下
由於一向冇近視同好懶..所以根本未試過帶con. 結果當日在眼鏡鋪搞左成幾個字先可以戴到除到.
今次買左 Janiceman 代言的 Lacelle. 因為貪佢有我想要既色. 同埋佢的包裝真係幾靚
買左紫色.. 之後仲叫眼鏡哥哥送多盒金啡色俾我試用.
加上家姐又買左灰色. 暫時都有 3 款唔同效果可以試玩下啦.

♥ 淘寶 ♥ Precious Moments ( Tinker Bell )

我一向都好中意 Precious Moments 依個牌子的公仔.
而且又極愛 Tinker Bell. 所以當Precious Moments 出左依個系列之後.
我一直都努力收藏. 直到依家只係爭一個就齊哂 Tinker Bell 了.
難得依一個無意中俾我在淘寶見到. 仲要係大清貨大大大特價.
只係需要人民幣 $ 49 咋. 夾夾埋埋只係需要港幣 $75
我仲要驗得好清楚. 係真係正品呀.
所以話淘寶真係要花多d 花思. 就可以搵到好野啦

♥ 囍 ♥ D.I.Y. ♥ 婚紗配件 : 蕾絲 &amp; 絲帶

一直都好想自己套婚紗係可以有袖. 但問題在於我只係會著一次去影PRE-WEDDING.
唔想因為咁又走去買多件婚紗. 所以同家姐去埋深水步一次過買哂所有材料.
可以慢慢在屋企 D.I.Y. 自己套婚紗.
另一方面我又好中意D 婚紗有腰帶. 同樣理由所以只係買左D 絲帶.
希望可以自己整到靚靚的婚紗啦 !


 << 買左粉紅色同粉綠色.
 

 > 用泥做手袖的.

 > 仲未諗到點用. 可能加埋落去絲帶後面個蝴蝶結度

買左咁多野. 都只係 $ 58 咋. 好抵 !

大推介 ♥ 隠家拉麵工場

今日同家姐二人世界去深水步過二人世界. 主要目的係為左度身. 因為12月就會做姐妹了
未去度身前就同家姐去西九龍食午餐.
依間日本拉麵係朋友推介的. 主理既都係日本師傅. 菜單得三樣野可以揀. 就係濃湯($78) , 黑蒜湯 ($88), 同埋蕃茄湯 ($98)
雖然價錢偏貴但真係好好味呀. 家姐話同佢去日本食的相差唔係太遠 !!
而且份量都好大. 一般的男士都會足夠了. 相反我同家姐兩個人真係食到最後爭d 食唔哂.
最好味的除左湯底之外. 佢既溫泉蛋真係十級好味. 同埋佢個湯係非常之濃.

店主建議的食法係將麵浸入湯再食. 食到最後可以要求加入清湯. 之後成碗湯就可以飲哂喇 !
難得的係我地飲完成碗都無口渴.相信個湯底都無乜落味精.

但依間拉麵店的位置真係比較難搵. 在西九龍入面的蘋果商場入面.
大家如果去要睇清楚地址呀.


 > 左面的係拉麵. 右面係極濃的湯

 
 << 好得意既紫菜, 上面印有店名

 << 依個係濃湯 ( $ 78 ) 
 << 依個係黑蒜油湯 ( $88 )

店舖 link : http://www.openrice.com/restaurant/sr2.htm?shopid=83895