3月的婚展將到. 我打算在今次婚展買餅卡. 同埋睇下d 紅酒.
至於禮服同埋租車就要睇情況.
但諗諗下...問題就來了. 因為我仲未決定到去邊註冊.
如果我去證婚場地. 我就一定要租Van.
但如果我選擇在酒樓證婚. 就唔駛租Van
而我本身屬意玻璃教堂.
不過我對佢地真係好冇信心. 因為去過兩次.佢地態度都係麻麻地. 唔夠專業
場地比較細同遠. 加上價錢都偏貴. 要 $4700/ 半個鐘
有見及此..我已經心郁郁. 打算將依幾千蚊請個律師好過.
但今日打左去俾幾個律師. 收費都要 $4200 [ 包哂所有雜費 ]
咁變相...去唔去酒樓都只係相差 $500 蚊. 我就算計埋租車的費用都只係相差$1500
原來我一早都低估左律師的收費. 所以依家個人好亂呀.
之前睇的證婚場地我又冇一個滿意...
伯大尼. Snoopy. 鯉魚門依D .. 如果BOOK 完場仲要請律師. 開支一定係最貴.
所以都放棄左依類的租場地公司.
依家只係擔心緊. 究竟應該係去返酒樓. 定係去玻璃教堂好呢 ?
如果真係中意玻璃教堂就揀佢啦！行禮係最重要嘅moment，梗係揀個自己中意嘅地方，唔係會後悔呀！！
回覆刪除所有有關結婚嘅嘢都只會係咁加價加價加價，所以越早BOOK越好！
[版主回覆01/10/2013 15:30:38]我都係咁諗. 所以先想快d book. 但我一諗起得半個鐘就好驚啦.
好怕前後時間都有人. 會搞到好迫好多人.
我會考慮落樓下註冊處,又或者搵律師黎酒樓証婚
回覆刪除註冊處: 好處係夠傳統,之後仲可以係文化中心,鐘樓影下相先上酒樓..
唔好處係有d 人可能會覺得老士囉...但我自己就接受到既^_^
酒樓証婚係快捷方便...唔洗左去右去..時間會鬆動d
但相差$500-$1500..可能我都會想去證婚場地>_<"
[版主回覆01/10/2013 15:32:43]樓下註冊處我又未諗.. 因為其實我好怕如果一多人. 會俾人趕咁.
同埋好睇個證婚人態度點. 我上次去個個態度就唔好啦.
搞到成件事都好差. 酒樓証婚真係快捷方便. 但其實我覺得爭少少..
又真係好似去證婚場好d 咁 >_<
嘩~爭咁少梗係揀個自己最鐘意架啦~唔好諗太多其他因素!!!!!
回覆刪除[版主回覆01/11/2013 10:11:54]但係呢. 得半個鐘證婚我好驚呀.
好怕真係岩岩影緊相就俾人趕.
佢地態度真係唔多好. 所以我先咁擔心.
睇下你自己對證婚有冇 fantasy 喇!! 有d B2B 夢想教堂, 有 d outdoor......
回覆刪除我自己無所謂, 同埋唔想咁辛苦, 揀咗酒樓證婚
當日 rundown 就唔洗咁急, 可以外影 tim~~ Hehe
[KK回覆01/11/2013 12:49:35]我個 fd 訂埋有餐飲 package, d 食物仲唔錯
一 d 都唔趕
如果齋證婚就唔知情況喇
[版主回覆01/11/2013 12:04:26]玻璃你上次去. 會唔會覺得好趕時間呀?
座位我都ok. 因為親友唔多. 最多叫兄弟姐妹幫手企下.
證婚律師依家好貴啦. 所以先搞到我失哂預算.
[KK回覆01/11/2013 11:53:51]KLN tong 果間我去過, 個環境唔錯
不過座位唔多, around 40 個
如果多親友, 我唔 suggest 你揀
同埋, mud d 證婚律師加到咁貴嘅??! 要 4 字頭喇!!! 嘩~ 真係百物騰貴
[版主回覆01/11/2013 11:44:47]我對證婚其實都係想教堂. 但伯大尼對我泥講太遠太貴.
玻璃就岩到我, 路線好彩都順路. 因為我在尖沙咀擺酒.
所以九龍塘去都勉強夠時間.
我係玻璃教堂喎, 我半個鐘3千幾, 而家要成4千7咁貴?!
回覆刪除[版主回覆01/15/2013 12:54:05]未呀. 應該婚展先會JOIN.
[♥♥Maggie♥♥回覆01/15/2013 12:33:34]你已經join咗呢度?
[版主回覆01/14/2013 17:53:28]我係紅日. 要 $4700 + $305. (已經平左$300 啦)
[♥♥Maggie♥♥回覆01/14/2013 17:40:19]我係平日$3200+$305, 呢個價錢係平咗$300
[版主回覆01/11/2013 17:52:09]你係咪紅日呀?我紅日要 $5000..
$4700 已經砰平左$300 喇.
我係晚上証婚,下午的時間就出去外影多一輯結婚相!如果下什另外地方證婚,怕朋友多數唔到,晚上就人人都睇到^^
回覆刪除[版主回覆01/12/2013 22:09:28]夜晚證婚怕唔怕會好嘈呀？
我係酒樓証婚呀~ 中午時間可以多d時間出去影相嘛
回覆刪除[Kit Ling回覆01/18/2013 14:25:22]點解既??
[版主回覆01/18/2013 11:43:09]酒樓証婚我已經放棄了. HAHA
我同你考慮既問題一樣～ 最後我都係揀返玻璃屋，註冊處個d 又太趕～酒樓我又唔想，好似全日影相都係酒樓咁～伯大尼又超遠～
回覆刪除30 mins 又好似好趕，但係book玻璃屋成萬蚊好貴呀～
[版主回覆03/25/2013 10:39:22]我依家已經放棄左玻璃屋啦. hahha.