荷里活買男恤

由於2月4日就係影第一輯 Pre- Wedding 的大日子
我既衫就一早搞掂啦. 連咩造型都試過哂.
但Mr.F 我就一早都忘記左佢...hahaha
所以上星期六去左金都同荷里活價格
結果竟然係荷里活平d.
Mr.F 一向都有套西裝. 但就係差左件靚既恤衫同背心,所以買左一件恤衫.
個老闆好老實架. 好似下面依兩件加埋都只係 $376, 我仲講價到 $370 .
老闆都好爽快減幾蚊俾我~hahah.
鋪位好似係M27. 大家得閒可以去睇下呀.
因為佢D 款都幾多架. 不過就冇呔.
所以之後就周圍去買呔啦, 但原來荷里活既呔都唔平.....
基本款都要 $98 一條. 仲有好多都係 $198 tim
所以最後放棄左. 都係打算淘寶好過了.

♥ 囍 ♥ Pre Wedding ♥ Monalisa 篇 ♥

經blog友 Grace 一提. 先記得我在落訂時曾經收到 Monalisa 的 $4488 Coupon
所以就打去一問.因為我張coupon 已經過左期.
咁就問下可唔可以照俾我用啦.
Serve 我的叫 Laura. 佢話公司係唔俾咁做. 除非我加錢 JOIN PLAN .
再唔係就去酒樓去update 我的單據.
咁我留左email 就冇左回事啦. 因為講真我都預左唔會加錢.
同埋始終係我自己既問題. 都唔想去酒樓度麻煩人地幫我再開單.
但岩岩收到 Laura 俾的 Package. 真係覺得依d Coupon 係好過去搶.

Coupon (價值$4488或價值$6888)

包婚紗2套連髮型及飾物,
新娘及新郎化妝各1次,
4"x5"-12相片
5"x7"-1相片,
8"x10"-1相片,
16X20"-1油畫,

以上套餐不包影像$138/ps,
不包相框$800UP,
(內衣+恤衫,$500)
花球$698/up

不包粉卜$25/個,
眼睫毛$88/對
不包執相及EFFECT.....
只映室內景

講真. 食水係一定會的.
但佢用的假眼睫毛只係幾蚊一對.但收我 $88.
婚紗可供選擇的款一定係有限. 拖尾又會加錢.
男裝又唔包. 即係要自己訂做.
講明唔包相框. 出去買又要幾百啦. ( 淘寶都要百幾 )
拍攝時間又只限閒日要請假.
相又唔俾底片. 又唔包執.
咁樣搞法加加埋埋. 就算唔加錢要佢地相都要貼一千幾百
所以最後都係out 左佢地啦.
一千幾百真係搵到freelance 影到一輯喇.
講真. 你影得靚的. 冇咁多雜費.
我真係加錢買相都覺得好值得.
但係咁多雜費樣樣同我收. 真係好難心甘情願去影.

♥ 囍 ♥ D.I.Y. ♥ Table no. Sample ♥

又手痕D.I.Y.啦...
咁快整枱號因為依一個係可以早d 整都唔怕會有變數的項目.
而且唔知d
老人家會唔會唔想要第4.14.24 圍...
所以應該都要整多幾張. 以備不時之需.
依個枱號用左好多色紙去配襯下. 先整左個草圖出泥
因為要我符合返個主題顏色綠同粉色. 又要有仙境的主題.
所以真係諗左好耐..終於整到粉紅色同粉綠色兩個版本.
上面會痴上蛋糕底紙. 放最上面的圓形紙就會印上枱號.

上面係粉紅色底紕. 下面係粉綠色底紙.
兩個款唔同架. 蛋糕底紙放的位置係唔一樣的.

之後放蝴蝶. 希望襯到個主題
不過Mr.F 話佢會諗起梁祝喎..激死我啦.
都唔知係佢諗太多定係我冇咁好想像力

   

終於整完兩個啦. 但係我未諗到要邊一個.
定係要哂兩個. 每一張枱號都雙面設計. 一面粉紅一面粉綠色好呢 ?

♥ 囍 ♥ 證婚 ♥ 點揀好 ?? ♥

3月的婚展將到. 我打算在今次婚展買餅卡. 同埋睇下d 紅酒.
至於禮服同埋租車就要睇情況.
但諗諗下...問題就來了. 因為我仲未決定到去邊註冊.
如果我去證婚場地. 我就一定要租Van.
但如果我選擇在酒樓證婚. 就唔駛租Van
而我本身屬意玻璃教堂.
不過我對佢地真係好冇信心. 因為去過兩次.佢地態度都係麻麻地. 唔夠專業
場地比較細同遠. 加上價錢都偏貴. 要 $4700/ 半個鐘
有見及此..我已經心郁郁. 打算將依幾千蚊請個律師好過.
但今日打左去俾幾個律師. 收費都要 $4200 [ 包哂所有雜費 ]
咁變相...去唔去酒樓都只係相差 $500 蚊. 我就算計埋租車的費用都只係相差$1500
原來我一早都低估左律師的收費. 所以依家個人好亂呀.
之前睇的證婚場地我又冇一個滿意... 
伯大尼. Snoopy. 鯉魚門依D .. 如果BOOK 完場仲要請律師. 開支一定係最貴.
所以都放棄左依類的租場地公司.
依家只係擔心緊. 究竟應該係去返酒樓. 定係去玻璃教堂好呢 ?

♥ 終於去買婚介 ♥

 

婚介一直都煩擾左我好耐. 因為工作關係. Mr.F 返工係絕對唔可以帶介指的.
至於我....其實更加唔中意帶介指. 對於我來講. 婚介的意義不大.
所以我放在婚介的預算一向唔多. 好耐之前睇中一對純銀的款. 男女裝加埋都只係 $3000.
但男朋友一去到就banbanban 我.
難得對婚禮乜都由我話事的佢都咁唔中意. 所以我就放棄左啦.
同佢周圍去睇. 要求 :

1. 個款清少少. 唔想太誇.
2. 唔想買大牌子. 因為廣告費都咁多啦. 放落介子的成本有限.
3. 男女裝都要有鑽石

因為依d 要求. 同佢去左婚展試左好耐.
同佢由六福.forever couple . i-primo. j&j's. 一路睇一路試.
中途見到好多日本公司. 同埋d 本土的自家設計
特別留意到PN其實好多款都幾岩心水. 但問題佢既價錢我覺得唔太值.
又擺婚展又咁多廣告. 相信食水都唔少咁.
所以最後同男朋友都係去左幫襯一間香港人自己開的店.
店主係鑽石鑑定師. 我見好多報紙雜誌都有搵佢做顧問
所以對佢信心都大. 特別係佢所有款都係自家設計.
而且自由度好大. 好多款都可以自己修改少少咁.
最後同男朋友坐左一個鐘. 終於揀到一對我地的心水婚介.
就係依對啦. 男裝仲會加多粒石.



本身我仲睇中依對架. 因為唔戴上手可以做頸鏈.
不過因為要鑲鑽石的關係. 對介指都唔薄架.
戴上手有d un手. 所以最後都放棄了.

♥ 囍 ♥ Candy Corner ♥ 又又又又又敗家 ♥

其實我Candy Corner 既樽真係夠架喇 . 不過早兩日同男朋友行街.
行過 d 雜貨店大清貨. 全場d 野都係幾蚊咋.
所以又失守啦.買左圖前方的兩個碟. 加右邊的兩個樽仔. 都係 $10 咋.
真係好抵! 好開心又入左貨. 
不過今次真係要收手啦. 如果唔係.....再買落去. 真係大大張枱都唔夠俾我放野. 
 

七日六夜 之 曼谷沙美島成團了

興趣不多的我. 除左煮野食就係去旅行啦. !
通常每隔1-2 年我就會衝出香港放自己幾日假.
如果去唔到遠遊就會去下大陸同澳門.
到左今次就去泰國啦. 仲揀岩左日子係我同Mr.F 既八周年大日子.
不過我成日覺得去泰國依類地方. 係多人D 好玩D .
所以今次同埋家姐.姐夫. 四人成團.
仲好好彩BOOK 到特價機票同酒店房.

機票 :
香港航空 HX773/ 776
去程08:30
回程15:05

酒店 :
TUNES HOTEL ASOK 4 晚+ SUMMERDAY BEACH RESORT 2 晚.

計哂所有野都係 $ 3136 一個人.
超平呀.打算去泰國血拼. 如果有能力希望買多D 將來屋企用既碗碟返香港.
仲要買好多SPA 既野. 又要食好多榴槤同芒果. 同埋要買好多拖鞋同背心
真係未出發先興奮呀