繼上一篇blog 後. 好多謝咁多blog 友關心.
我終於知道咩事了. 原來係耳仔入面d 耳石有少少移位. 好在問題不大.
醫生話我會自己好返. 的確我依個星期終於停止左廿四小時暈船浪啦.~
不過醫生都叫我唔好做運動住. 但其實我報左跳舞班架.
限期在1月中前要跳哂13 堂..依家咁樣跳唔到好無奈.
不過我下星期會試下跳返先. 真係有問題先會停.
唔想白白無左千幾蚊呀. 肉痛死我.
另外Pre-Wedding 終於落實日期啦.
會在二月頭的其中一日. 但其實個日一定好涷啦.
我仲要去迪欣湖影.希望個日唔好低過十度啦.
如果唔係我都應該頂到既.
最緊要個d 日子應該會冇乜人.. 因為最近太多人去影畢業相了.
唔想去到同人迫.
而且男朋友咁怕羞去到應該都會好唔自在.
當日要準備的衫同道具同化妝都有了
依家要煩既應該係...究竟我幾時先捨得死去減肥
仲有時間減既，唔好俾自己咁大壓力呀!
回覆刪除[版主回覆11/29/2012 00:42:56]HAHA.. 我再唔減唔得啦. 好肥呀>_<
無事就好喇
回覆刪除但為左健康著想, 唔舒服就唔好死頂
寧願蝕o個千幾蚊都要身體健康丫
[版主回覆11/29/2012 12:22:33]係呀. 我如果試多次都係咁就唯有放棄啦.
不過好肉痛 >_<
如果真係唔舒服唔好夾硬跳, 千幾蚊換你健康好唔著數!!
回覆刪除仲有2個月減呀. 唔好一下子瘦太多, o的肉會泡影出黎唔靚架.
我都要努力減.....要由滑嘟嘟減到變欣宜 >,<
[版主回覆11/29/2012 13:55:57]我會啦. 不過其實我好為食. 真係講減肥講左好多年.haha
如果真係好唔舒服就停低，睇下有冇得讓比人跳，蝕小啲!!
回覆刪除跳舞公司應該冇你個樣record掛?
[版主回覆11/30/2012 09:44:41]冇得讓俾人啦. 間公司好細架.
個女仔認得我的 >_<
我已經放棄左減肥啦~~仍住有得執相就無左動力減肥~~
回覆刪除[版主回覆12/03/2012 09:07:34]其實我都半放棄架. 因為我主要下身肥. 上半身仲呃得下人.
咁婚紗通常都係露上半身多...所以我冇乜動力. >_<
我1月都要影FB (free coupon) ....
回覆刪除到依家都仲未有動力減肥...太凍啦呢排好想食野唔想做運動
[版主回覆12/05/2012 16:47:35]我好你少少. 我2 月4 .hahaha.
希望 1 月可以生生性性做到運動減肥啦. !
[Teresa回覆12/05/2012 16:16:50]仲要12月1月2月大時大節...勁食.
[版主回覆12/05/2012 12:28:20]我2月影啦...都係冇動力...