忙忙忙忙忙

最近真係好忙呀...好似日日都好多野咁
兄弟人數可能有變. 所以姐妹團又要改動
之後結婚DIY 既野又開始要諗有咩開始搞..
日日都淘寶去搵唔同既I野 .姊妹裙又未CONFIRM.
又要搞大陸的PRE-WEDDING. 又要搞澳門個輯.
之後最重要就係. 我.辭.左.職.啦.
由我畢業開始. 我就在依間公司做.
一做就做左五年. 老闆同同事都對我真係好好...
可能成間公司都係男人. 所以佢地真係當我係囡囡咁看待
知道我要走都叫我小心出面社會呀.
又叫我得閒就返去舊公司.
老闆就更加唔話得....無論我同邊個講.
每一個人都羨慕我有個咁為得人既老闆.
從來唔鬧人..唔發脾氣. 同員工好似家人咁.
好耐之前知道我身體有事. 仲幫我掛號睇醫生. 幫我俾埋醫藥費去睇.
如果公司冇野做又會叫我早D 走..去下街.
咁多年請病假又好. 事假都好. 佢都唔會過問我一句.
所以咁多年我真係俾佢寵壞哂啦...
唔襯後生走. 我真係怕自己愈做唔捨得.
尋日係LAST DAY.臨走個一下真係好想喊.
但死忍爛忍先冇喊到出泥.
記得我同佢講辭職時. 佢仲同我講.
叫我出去闖下見識下. 真係做得唔開心.
公司都會歡迎我返去. 聽完個一下真係好感動
雖然我知道我真係再返舊公司的機會唔大.
但我都會永遠記得我有個咁好的老闆架.
新工雖然未搵到咁心水. 但就當放自己一個長假期啦.

P.S. 6月7-9 日. 在會展會有婚展呀.
我有幾張免費飛多左出泥 [ 一張可以俾兩個人入場 ]
如果大家有興趣既就留言啦. 
( BLOG 友優先 )

♥ 囍 ♥ D.I.Y. ♥ 襟花手花 ♥

終於搞掂哂啦. 為左整依個襟花手花真係做左好多好多資料搜集.
由揀主花到配花..之後再要慢慢去揀絲帶都用左兩個幾月.
仲去左好多次深水步睇材料. ( 雖然最後我都冇幫襯. 去左偉大的淘寶. hahahahha )
之後到齊哂材料, 先發覺冇哂熱溶膠.. 同埋我連最重要的 T 字扣都唔記得買..
終於拖到依兩日終於齊哂材料開工了 !

開工啦. 現場好亂. 成個地下都俾我同家姐佔哂.

下面有三款.
左上的四大長老.
右上的家姐.姐夫.
下面的係兄弟
三款我都有加閃石. 雖然影相唔係好睇得出.
不過實物好彩都幾明顯咋



手花都搞掂了.之前一路都諗下用珍珠鏈.
但我又怕d 鏈會斷wor. 而且最重要係.... 我發覺屋企係冇彈性魚絲的.
為左唔想再拖就用絲帶啦. 之後整整下加多幾個絲帶圈..又好似真係幾襯d 兄弟團wor..
我仲有在 d 花上面加左d 珍珠同閃石. 睇落冇咁單調 !



終於整完. 可以大合照啦. 好感動呀
依度暫時係我最喜歡的DIY作品.
最開心係. 我計哂所有所有成本.
平均每一個都係 $14 . 出面整一定整唔到呀.
又慳到一筆可以用在其他野上面了

♥ 囍 ♥ D.I.Y. ♥ 裝飾酒杯 ♥

之前睇到blog 友 Yuki 的blog. 睇到酒杯都有裝飾就覺得好特別好靚呀 !
之後就上google search [ wedding glasses decoration ]
竟然俾我見到好多好得意的idea.
依家除左candy corner 之外. 我又有野可以玩下啦
首先第一個係紙的裝飾. 有心心. 蝴蝶. 仲有好多....
我上淘寶睇, 都見到好多款呀. 又有鑽介. 又有玫瑰. 雀仔咁

    

蝴蝶都分三種呀... 真係揀都有排呀

依d 款全部ebay都有得賣, 不過計哂運費太貴啦.

第二個就係酒杯環. 以我所知依個係多元化好多.
而且自由度仲大.. 用咩質地同顏色既珠. 襯咩吊飾都應該有排玩.
我就上淘寶睇過. 基本上好多依d 吊飾都好平.
就算真係diy 都唔會好吃力
我就睇中左個 [ 囍 ] 字既吊飾. 岩哂結婚用 !

如果我都識扭字. 一定會遂個扭呀. 好有心思的禮物

選擇有兩個. 但我仲未揀到用邊個好呢....

。倒數 496 日。

記得岩岩開BLOG 時.. 我仲未去睇場.
個陣係大約 2012 年8月到. 我一直本住 [ 2014 年10 月先結...慢慢泥啦 ] 既心態..
但今日睇到個倒數. 先知我不知不覺由 7XX 日...變到得返 4XX 日
係時間要整理一下我既 DIY LIST 先得.

1 帖
2 帖信封
3 地圖卡
4 餅卡 ( 中式 )
5 餅卡 ( 西式 )
6 利是封
7 手花
8 襟花 ( 親人 )
9 襟花 ( 兄弟 )
10 玩新郎裝扮 + 用具
11 花車裝飾
12 褂頭頭飾
13 愛的宣言
14 開門利是
15 伴娘姐妹用的花球 / 飾物
16 戒指座
17 證書套
18 註冊筆
19 台號卡
20 菜單
21 Candy Corner
22 Photo Corner ( 燭台.鳥籠 )
23 簽名簿
24 簽名筆
25 大油畫
26 人情箱
27 紙蝴蝶 ( 杯用 ) - 特別多謝 Yuki
28 Welcome Board
29 座位表
30 佈置用汽球
31 敬酒杯
32 鞋 ( 高跟 )
33 鞋 ( 平底 )

死火... 原來我好多野都未整..仲有好多我應該係未諗起..
加加埋埋應該有四十幾樣...
哎.. 突然好大壓力tim..

♥ 囍 ♥ D.I.Y. 婚鞋 ♥

我發覺自己真係好快手腳. 早兩個星期先買左鞋.
之後就即刻淘寶買閃石去整對鞋了, 不過今次唔駛我點郁手啦.
因為我覺得婚鞋係應該係男朋友動工. 但諗諗下依d 野男人都係靠唔住.
所以最後買哂d 材料之後由家姐整俾我. 家姐好快手呀.
用左兩晚就搞掂哂了.
但最衰係我買唔夠閃石啦. 搞到依家都係痴到一半.
要等下星期真係淘埋其餘的閃石先可以正式完工 !
不過始終依d 石都好易會勾到野. 所以我諗我都唔會拎佢去pre-wedding 了.
只會在大日子個日著. 即係我早左足足年幾去準備..

有利婚鞋

終於買左婚鞋了.
之前成日都想買..但都因為太貴啦.
所以一直都不了了之.
早幾日去金都再睇再試
發覺我想要的款最平最平都要 $499. 如果想再靚d 要 $799 tim
但對鞋只會著一日半日...所以唔想買咁貴啦.
寧願買對平平地的自己再加工.
價錢應該會平一半有多. 所以最後揀左去太子的有利度買鞋
老闆態度超好. 知道我對鞋唔舒服係咁俾唔同的鞋墊我去試.
最後買左對大少少既. 寧願加鞋墊會著得舒服d
四吋高佐好彩前面都有防水台.
所以一d 都唔覺有四吋. 對鞋 $150 + $8 鞋墊咋 .
超平!