應該改期嗎 ?

十一煙花停放一年.
其實我明白的.
就算我個場地係對正維港 + 我正正係10.1 的b2b.
我在上年睇到南丫島海難時我個心都好難受.
所以就算好多聲音話反對再在10.1 放煙花.
我都好矛盾. 因為的確依件事在香港人心目中太深刻
不過. 我唔明白的係.
今次政府話停放係因為海事處對本地船隻監管有嚴重問題...咁我又好奇怪...
點解新年煙花又照放. 10.1 煙花又停呢.
新年放煙花一樣都會有船出海睇煙花...海上安全一樣會有問題架.
政府既所謂停放原因究竟係咩標準我真係唔明.
如果係點解唔停放埋新年呢.
又或者點解唔話因為10.1係港殤. 所以會停放一年哀悼呢.
依家用依一個原因去停放而又唔停新年我覺得成件事真係好奇怪.

我將依件事同左男朋友講. 佢就當然好失望啦.
但我就安慰返佢. 可能下年會有返呢.
我地又唔係2013年結婚.
不過其實我自己諗. 我安慰到佢. 都好難安慰自己.
因為我唔用俾左紅日的價錢. 但到頭來又睇唔到煙花.
咁我不如改期做10-11月的星期六日好了.
唉....個心好矛盾呢.

♥ 紅豆台中 ♥ book 埋酒店+清境之旅 ♥

話說之前一直都打算book 紅豆推薦的
黎客商旅 http://www.leparker-hotel.com.tw/
因為見佢有接駁車由台中機場去到酒店.
但由於我夜機..去到台中都10點幾了.
所以依個服務我享用唔到啦.
之後去google map 度搵下究竟黎客在邊啦.
睇完之後發覺黎客又唔係近機場. 又唔係近紅豆. 亦唔係近高鐵同火車. 只係近逄甲夜市.
房間一晚又唔係特別平呀. 都要接近HKD $700 一晚.
再加上我會在影完相之後就上清境玩返兩日.
所以都係近返火車店會好少少.
揀下揀下最後揀左另一間近台中火車站的飯店.
達欣商務精品飯店  http://www.plazahotel.com.tw/index.php / https://www.facebook.com/PlazaHotelTaichung

一晚只係hkd $420 左右.
仲包埋自助早餐.
我對酒店要求唔高. 交通方便同埋乾淨就得啦.
因為基本上日日我都一早出去. 夜一夜先返去既.
依間最好的就係唔駛我匯款落訂.
只要去到當晚打個電話俾佢地就OK 啦.
所以如果都係去紅豆的朋友友可以考慮下依間呀.

至於在清境的兩晚. 如無意外我都應該會去
黃慶果園民宿  http://www.homestay.com.tw/
因為佢有個望住天窗的房間呀.

一睇到依張相我就好開心啦. 因為天氣好的話真係可以數住星星訓覺呀.
而且價錢在清境來講都係屬非常合理.
一晚只係需要hkd $ 600 左右.
老闆仲話有需要的話可以車我地去附近的景點玩呀.

依家計計下.
今次成個台中紅豆 Pre-Wedding 駛費比我想像中平.
紅豆 Package C :  nt$39800+$3000
機票 : hkd $2104
酒店 : nt $1600 x 4 = $6400
總數即係港幣萬五蚊左右.
依家預算鬆動左. 希望可以去到紅豆再upgrade 多d 野啦.

 

 

 

♥ 囍 ♥ D.I.Y. ♥ 利是封 ♥

整依個利是封真係好花心機呀.
由初初衫搵朋友去設計個LOGO. 之後仲要淘寶個印落泥.
又要做資料搬集去搵熱風槍同突粉. 印台的野.
之後仲要搵尺寸岩的空白紅色利是封.
計計下成本原來都要 $1 個呀.
不過整完出泥真係覺得好開心好滿足. 因為效果真係好好呀
雖然工序好煩. 又要吸印又要上粉. 之後仲要用熱風槍
最煩就係每次用完個印都要搵濕布+紙巾整乾淨佢.
印300 張就要印300下. 不過冇計啦. 鬼叫自己冇野搵野泥搞咩. hahaha

♥ 紅豆台中 ♥ book 埋機票啦 ♥

其實在復活節假期前. 好多航空公司都出左唔同的優惠去台中.
但個陣因為已經要去泰國. 再加上未確定係咪真係台中.
所以就錯過左依個優惠. 點知今日俾我上網再睇. !!
竟然見到又出返個新優惠啦.
兩個人由香港來回台中. 加埋所有稅項都係二千蚊咋.
比起正價平左一半. 咁就可以慳返二千.
雖然係晚機去早機返..
不過去多兩日可以去埋清境其實好方便.
咁又搞掂多樣野了.
爭Book 埋酒店就可以啦

♥ 囍 ♥ D.I.Y. ♥ 鋼印篇 ♥

一直都好想整鋼印. 終於整到啦.
效果同我想像中差唔多.
$115 包送貨. 仲可以貨到付款..真係超方便 

決定左開始整. 第一步當然就係Email 俾佢地啦. 佢地通常都會想要AI File .
但係我冇. 佢地都會照收 JPG 的.
之後佢地就會Confirm 稿件. Confirm 左就會起貨啦.
我就下午四點到Confirm. 第二日的下午四點就收件喇

 
一收到時係咁的. 都幾重下. 應該都有1.5kg



一開就係咁既

右邊個夾係有分上下的. 有粒圓野在上面的. 就係向上的. 平面的就向下



之後向上的推入去. 會有"卡" 一聲咁就可以用到啦.

我試左印在餅卡封套上面. 但可能個信封厚啦.
所以印出來個效果唔係好滿意.
仲未諗到照咁樣整好... 定係再改良佢.
因為依個印除在用在依度. 其他地方都好少用得到喇.



雅寶印章 ::::http://www.ablestamp.com/

 

♥ 囍 ♥ Pre Wedding ♥ 景點選擇篇

Book 完紅豆第一樣做的事就係要睇景點啦.
其實紅豆有提供好多建議俾新人的.
但係我覺得冇邊一個地方係真係岩到我同男朋友的要求
由於我一定一定一定要有教堂.
所以其實可以選的景點唔係好多.
一係就係格林奇幻森林.
一係就係愛麗絲的天空.
當然仲有其他的. 但我最中意都係依兩個景點.
但無奈依兩個景點距離紅豆都唔近架..
所以只可以二選一.
而且就算揀左邊一個都好啦.. 都好難再配合其他景點.
最後依家決定左啦. 會在愛麗絲的天空 !! 客服話可以配海邊+室內境
愛麗絲雖然一個地芳入面..但可以有齊教堂. 竹林. 水中床. 鋼琴. 彩色小屋. 湖邊. 南瓜車 ~
最重要最重要係..如果在秋冬時候去.
個陣個落葉境係我大愛的.
而且仲可以用twd2000 去租馬影相.
雖然我唔係好中意馬. 不過如果可以拉下白馬影下相都幾得意呀

 

♥ 囍 ♥ Pre Wedding ♥ Book 左紅豆啦 !!

揀左好耐. 終於揀好左去台灣影PreWedding 了.
其實之前都有諗過去 3V. 因為真係太平太平啦.
上次去婚展睇過下. hkd 12000 到就有好多好多野.
但係有幾多野送都好. 我睇完佢地的相真係冇乜衝動.
當然影出泥唔係差. 不過唔係令我有bling 一下的衝動
所以最後都放棄左.
最後入到三強的都係台灣公司
1) Masalili
2) 旅人行館
3) 紅豆

本身打算BOOK Masalili 的. 因為真係好平.
同埋成日去forum 都見到好多人推介.
但無論佢地點推介都好.
我都係覺得佢地的構圖同埋風格唔係我要的野.
之後慢慢發覺.
原來Masalili 影完之後. 新人再在Forum 度推介下.
就有機會有回贈的禮物.
當然咁唔代表Masalili 影得唔好. 但只係咁樣我會對推介Masalili 的留言可信性有少少保留

其次就係旅人行館啦.
講真如果唔係Budget 所限.
我諗要我在紅豆同旅人行館二揀一都幾困難架.
因為我好中意佢的側拍式.
但無奈我覺得佢的價錢真係唔值在台灣.
所以最後都out 走了旅人行館

最後最後啦.
終於去睇紅豆的資料
其實我係睇紅豆資料一個星期都冇就落左訂啦.
因為我真係好中意佢地的風格. 同埋佢地的室內境都好靚好韓風
加上價錢係我想像唔到的抵 !!
雖然只係包一本相薄. 但問題不大既.
因為我諗在淘寶度整相簿同油畫分分鐘平過在台灣.
而且在台灣運到香港..運費都唔平架.
當初睇佢地的相時. 真係好爭扎加唔加錢要Rex / Mars 好.
因為兩個的作品我都好中意.
有諗過不如隨機算啦..
但紅豆生意應該真係愈來愈好呀.
攝影師已經有四個了.
好怕到時隨機俾我的..唔係Rex / Mars .
所以最後都係加多 $3000 . 揀左Rex 做當日的攝影師 !
造型師就未睇..不過就咁睇佢地的作型水準都差唔多咁.
所以應該唔會再加錢指定了.
依家Book 左 Package C.
會在11月出發. 希望到時有落葉境俾我影多D 啦 !!

Package C

行程說明 第一天 地點~紅豆門市 時間待訂 至紅豆挑選拍照禮服.與攝影師溝通拍攝風格與詳細地點 第二天 地點~紅豆造型部 AM9:00 紅豆造型部開始整體彩妝造型.今天共拍攝五套禮服.全程由貼身造型師隨行 AM11:30 搭乘由紅豆提供外景專車出發外景 結束一天拍攝行程 (正確時間視當天拍攝情況而定) 第三天 全天自行安排遊玩路線. PM5:00 抵達紅豆門市挑選喜愛的相片.與製做相本詳細細節洽談.

婚紗純攝影(限 2人) NT39800元
*專業攝影師.造型師.燈光師跟拍服務
*新娘提供拍攝禮服 5 套包含整體彩妝造型
*新郎提供黑白西裝各一套(可自備襯衫或牛仔褲)
*全程外景服務
*拍攝當天檔案 160 張(40張檔案有修片)
*拍攝光碟檔案 1 份
*外拍車
*15吋複合式相本一本(純滿版無美編)
*輸出照片共40組(有修片)
*相本內頁20p
*紅豆專屬設計款桌框一個
*專屬高級光碟盒一個

好物推介 - 手工卡套裝

早幾日同朋友仔去行中南.
竟然俾我發覺左樣超級岩懶人買的手工卡 !!
岩哂我呀~ 因為我正正煩惱緊點樣整繳請卡俾我既伴娘同姐妹 !

<<< 首先套裝入面有三頁手工卡的配件. 每一頁都大大張架.

<<< 手工卡的底色. 十張都係心形

<<<額外的配件, 有絲帶.閃石. 閃片

<<< 兩款唔同的信封 ( total 10 個 )

<<<包裝係咁架. 當然入面放得好整齊啦. 依張相係我整亂哂入面 lu




<<< 大特價 !! $58 減到 $38 .
入面total 有10 張卡的所有配件. 仲有埋跟卡的信紙.
平均 $3.8 一張咋. 岩哂冇設計天分的我.
如果大家想去買. 我記得在 二樓的. 在放近電梯隔離架.