又係一年一度的情人節啦
即係一年一度的搶錢節啦.
哈哈. 其實對於我來說. 情人節真係無乜無意義架. 因為Mr.F 真係日日都對我咁好
所以我唔會覺得情人節佢會對我更好. 又或者會再做d 乜野浪漫的舉動
畢竟都拍左咁多年拖. 乜節乜節乜節真係慶祝到頭都爆了.
所以我最重視的始終都係周年紀念. 因為我覺得依一日先係真正屬於我地拍拖的紀念日
我今日仲同bf 講 : 唔中意情人節. 成條街都係人. 清明重陽都有假放丫. 情人節又冇假放仲要出街同人迫.
亦因為咁我同Mr.F 每一年都講到明. 唔好送禮物呀.
但年年我都會俾佢冼一鑊. 因為年年佢都會照買. 但我就會好乖咁冇買到
結果搞到佢好委屈咁. 得我有禮物收而佢就冇.
今年我都放棄左買禮物. 只係好似往年咁整左曲奇俾佢食.
不過又出奇地. 佢今年真係好聽話冇買禮物俾我.
所以我懷疑佢係中意同我對著幹
我愈叫佢唔好做的野佢就愈會做. 到我已經唔理佢.佢又真係會好乖咁聽話.
唔知係咪個個男人都係咁. 定係Mr.F 你特別麻煩呢?
雖然在我心目中情人節唔太重要. 但點都要見一見情人既.
所以接左Mr.F 收工之後就去左旺角行街.
之後一到六點就去左豚組食飯.
每人一個無限追加set 都係 $148 幾抵.
但係依一間的吉列水準真係麻麻地.
食完見到個碟係有油的..所以食到好漏
如果下次再食...都係去返尖沙咀丼吉好d .
至少水準穩定好多
To : Mr. F
多謝你依八年對我的疼錫.
特別係依兩年可能因為更加了解對方.
所以相處得愈來愈好.
我都知你包容左我好多野
我d 任性同細路女脾氣有時都搞到你好頭痕咁, hahah.
不過你都冇怪我.仲愈來愈寵我.
好多野我都知你為我讓左步架.
不過我唔中意成日掛在口邊,
費時搞到你得得戚戚咁.
來緊仲有好多年呀,
你要加油呀. 多d 就我呀.
如果唔係同我結左娼之後冇飽飯你食架.
